ആലപ്പുഴ: ജില്ലയിൽ ഇന്നലെ 527 പേർക്ക് കൂടി കൊവിഡ് സ്ഥിരീകരിച്ചതോടെ ചികിത്സയിലുള്ളവരുടെ ആകെ എണ്ണം 8226ആയി. ഇന്നലെ രോഗം സ്ഥിരീകരിച്ചവരിൽ രണ്ട് പേർ അന്യസംസ്ഥാനത്തു നിന്നും ഒരാൾ വിദേശത്തുനിന്നും എത്തിയതാണ്. 519പേർക്ക് സമ്പർക്കത്തിലൂടെയാണ് രോഗബാധ. അഞ്ച് പേരുടെ സമ്പർക്ക ഉറവിടം വ്യക്തമല്ല . 626പേരുടെ പരിശോധനാഫലം നെഗറ്റീവായതോടെ രോഗ മുക്തരായർ 35044ആയി. ആലപ്പുഴ കാഞ്ഞിരംചിറ സ്വദേശിനി മന്ദാകിനിയുടെ(90) മരണം കൊവിഡ് ബാധിച്ചാണെന്ന് സ്ഥിരീകരിച്ചു.

ജില്ലയിൽ നിരീക്ഷണത്തിലുള്ളവർ:13,557

വിവിധ ആശുപത്രികളിലുള്ളവർ: 5766

ഇന്നലെ ആശുപത്രിയിൽ പ്രവേശിപ്പിച്ചവർ: 231

44 കേസുകൾ, 20 അറസ്റ്റ്

ജില്ലയിൽ കൊവിഡ് മാനദണ്ഡ ലംഘനവുമായി ബന്ധപ്പെട്ട് 44 കേസുകളിൽ 20 പേരെ അറസ്റ്റ് ചെയ്തു. മാസ്‌ക്
ധരിക്കാത്തതിന് 164 പേർക്കും സാമൂഹ്യ അകലം പാലിക്കാത്തതിന് 374 പേർക്കും എതിരെ നടപടി സ്വീകരിച്ചു.