ആലപ്പുഴ: ജില്ലയിൽ ഇന്നലെ 383 പേർക്ക് കൊവിഡ് സ്ഥിരീകരിച്ചതോടെ ചികിത്സയിലുള്ളവരുടെ ആകെ എണ്ണം 7261ആയി. ഇന്നലെ രോഗം സ്ഥിരീകരിച്ചവരിൽ ഒരാൾ അന്യസംസ്ഥാനത്തു നിന്ന് എത്തിയതാണ്. 375പേർക്ക് സമ്പർക്കത്തിലൂടെയാണ് രോഗബാധ. ഏഴു പേരുടെ സമ്പർക്ക ഉറവിടം വ്യക്തമല്ല. 919പേരുടെ പരിശോധനാഫലം നെഗറ്റീവായതോടെ രോഗ മുക്തരായവരുടെ ആകെ എണ്ണം 36787ആയി.
അവലൂക്കുന്ന് സ്വദേശി ശശിധരൻ പിള്ള(75), വീയപുരം സ്വദേശി ജോൺചാണ്ടി (65), ആലപ്പുഴ സ്വദേശിനി നസീമ (66), കായംകുളം സ്വദേശിനി തങ്കമ്മ (80), മുഹമ്മ സ്വദേശി സതീശൻ (60) എന്നിവരുടെ മരണം കൊവിഡ് ബാധിച്ചാണെന്ന് സ്ഥിരീകരിച്ചു.
ജില്ലയിൽ നിരീക്ഷണത്തിലുള്ളവർ:12,226
വിവിധ ആശുപത്രികളിലുള്ളവർ: 4988
ഇന്നലെ ആശുപത്രിയിൽ പ്രവേശിപ്പിച്ചവർ: 231
28 കേസുകൾ, 15 അറസ്റ്റ്
ജില്ലയിൽ കൊവിഡ് മാനദണ്ഡ ലംഘനവുമായി ബന്ധപ്പെട്ട് 28 കേസുകളിൽ 15 പേരെ അറസ്റ്റ് ചെയ്തു. മാസ്‌ക് ധരിക്കാത്തതിന് 180 പേർക്കും സാമൂഹ്യ അകലം പാലിക്കാത്തതിന് 520 പേർക്കാം എതിരെ നടപടി സ്വീകരിച്ചു.