ആലപ്പുഴ: ജില്ലയിൽ ഇന്നലെ 259 പേർക്ക് കൊവിഡ് സ്ഥിരീകരിച്ചതോടെ ചികിത്സയിലുള്ളവരുടെ എണ്ണം 7318ആയി. ഇന്നലെ രോഗം സ്ഥിരീകരിച്ചവരിൽ ഒരാൾ വിദേശത്തു നിന്നും രണ്ടുപേർ അന്യസംസ്ഥാനത്തു നിന്നും എത്തിയതാണ്. 256പേർക്ക് സമ്പർക്കത്തിലൂടെയാണ് രോഗം ബാധിച്ചത്. 252പേരുടെ പരിശോധനാഫലം നെഗറ്റീവായതോടെ രോഗ മുക്തരായവരുടെ എണ്ണം 37422ആയി . ചേർത്തല സ്വദേശി വിശ്വനാഥൻ (73), കോട്ടയം തോന്നല്ലൂർ സ്വദേശി ഒ.ജി.വാസു (82), ചിങ്ങവനം സ്വദേശിനി മറിയാമ്മ (58), ചേങ്ങളം സ്വദേശി കുഞ്ഞുമുഹമ്മദ് (78) എന്നിവരുടെ മരണം കൊവിഡ് മൂലമാണെന്ന് സ്ഥിരീകരിച്ചു.
ജില്ലയിൽ നിരീക്ഷണത്തിലുള്ളവർ:11,684
വിവിധ ആശുപത്രികളിലുള്ളവർ: 5152
ഇന്നലെ ആശുപത്രിയിൽ പ്രവേശിപ്പിച്ചവർ: 228
35 കേസുകൾ, 27 അറസ്റ്റ്
ജില്ലയിൽ കൊവിഡ് മാനദണ്ഡ ലംഘനവുമായി ബന്ധപ്പെട്ട് 35 കേസുകളിൽ 27 പേരെ അറസ്റ്റ് ചെയ്തു. മാസ്‌ക്
ധരിക്കാത്തതിന് 146 പേർക്കും സാമൂഹ്യ അകലം പാലിക്കാത്തതിന് 502 പേർക്കും എതിരെ നടപടി സ്വീകരിച്ചു.