ആലപ്പുഴ: ജില്ലയിൽ ഇന്നലെ 347 പേർക്ക് കൊവിഡ് സ്ഥിരീകരിച്ചതോടെ ചികിത്സയിലുള്ളവരുടെ എണ്ണം 6596 ആയി. രണ്ട് പേർ വിദേശത്തു നിന്ന് എത്തിയതാണ്. 326 പേർക്ക് സമ്പർക്കത്തിലൂടെയാണ് രോഗം ബാധിച്ചത്. 19 പേരുടെ സമ്പർക്ക ഉറവിടം വ്യക്തമല്ല. 852 പേരുടെ പരിശോധനാഫലം നെഗറ്റീവായതോടെ 39,427 പേർ രോഗ മുക്തരായി. ആലപ്പുഴ എം.ഒ വാർഡ് സ്വദേശി ടി.എസ്. ഗോപാല റെഡ്ഡിയാർ (57), പുഞ്ചക്കൽ സ്വദേശിനി ഷീല (58), മാവേലിക്കര സ്വദേശി സ്റ്റാൻലി ജോൺ (54), മുതുകുളം സ്വദേശി ഗോപാലകൃഷ്ണൻ (78) എന്നിവരുടെ മരണം കൊവിഡ് മൂലമാണെന്ന് സ്ഥിരീകരിച്ചു.

 ജില്ലയിൽ നിരീക്ഷണത്തിലുള്ളവർ:10,668

 വിവിധ ആശുപത്രികളിലുള്ളവർ: 4488

 ഇന്നലെ ആശുപത്രിയിൽ പ്രവേശിപ്പിച്ചവർ: 213

# 31കേസ്, 20 അറസ്റ്റ്

ജില്ലയിൽ കൊവിഡ് മാനദണ്ഡ ലംഘനവുമായി ബന്ധപ്പെട്ട് 31കേസുകളിൽ 20 പേരെ അറസ്റ്റ് ചെയ്തു. മാസ്‌ക്
ധരിക്കാത്തതിന് 150 പേർക്കും സാമൂഹ്യ അകലം പാലിക്കാത്തതിന് 354 പേർക്കും എതിരെ നടപടി സ്വീകരിച്ചു.