കായംകുളം: അഴിമതിയും കള്ളക്കടത്തും സ്വജന പക്ഷപാതവും നടത്തി കുപ്രസിദ്ധിയാർജിച്ച സർക്കാരാണ് കേരളം ഭരിക്കുന്നതെന്ന് മുൻ മുഖ്യമന്ത്രി ഉമ്മൻചാണ്ടി കുറ്റപ്പെടുത്തി.യു.ഡി.എഫ് സ്ഥാനാർത്ഥികളുടെ തി​രഞ്ഞെടുപ്പ് പ്രചാരണാർത്ഥം കായംകുളത്ത് ജി.ഡി.എം. ഓഡിറ്റോറിയത്തിൽ നടന്ന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.

പി. എസ്.സി. ലിസ്റ്റ് നിലനിൽക്കുമ്പോൾ ഒരു ലക്ഷത്തിലധികം പാർട്ടി പ്രവർത്തകരെ പുറം വാതിലിലൂടെ നിയമിച്ച് കേരളത്തിലെ ചെറുപ്പക്കാരെ വഞ്ചിച്ച സർക്കാരിന് ത്രിതല പഞ്ചായത്ത് തി​രഞ്ഞെടുപ്പിൽ കനത്ത തിരിച്ചടി നേരി​ടുമെന്ന് ഉമ്മൻ ചാണ്ടി പറഞ്ഞു.

പി.എസ്.ബാബുരാജ്, എ.ത്രിവിക്രമൻ തമ്പി, എ.ജെ. ഷാജഹാൻ, കെ.രാജേന്ദ്രൻ, കെ.പുഷ്പദാസ്, എസ്.അബ്ദുൽനാസർ ബി.ബാബുപ്രസാദ് എന്നിവർ പ്രസംഗിച്ചു.