ഹരിപ്പാട്: നിയന്ത്രണം തെറ്റി പിക്ക് അപ്പ് വാൻ മറിഞ്ഞു. ഡ്രൈവർ നിസാര പരിക്കുകളോടെ രക്ഷപ്പെട്ടു. ദേശീയപാതയിൽ ഡാണാപ്പടി പാലത്തിന് സമീപം ഇന്നലെ രാവിലെ ഒൻപതു മണിയോടെയാണ് കൊല്ലത്തു നിന്നും ആലപ്പുഴയിലേക്ക് ചെമ്മീനുമായി പോയ പിക്ക് അപ്പ് വാനിന്റെ ടയർ പൊട്ടി മറിഞ്ഞത്. ഉടനെ തന്നെ നാട്ടുകാരും പൊലീസും ഹൈവേ പൊലീസും ഫയർ ഫോഴ്‌സും ഹരിപ്പാട് എമർജൻസി റെസ്ക്യൂ ടീം പ്രവർത്തകരും സംയുക്തമായി റോഡ് ഗതാഗതം നിയന്ത്രിക്കുകയും ചെമ്മീൻ മറ്റൊരു വാഹനത്തിലേക്ക് മാറ്റുകയും റോഡ് സഞ്ചാരയോഗ്യമാക്കുകയും ചെയ്തു.