മരിച്ചത് കാർ യാത്രക്കാരിയായ യുവതി

ചേർത്തല:ദേശീയപാതയിൽ ചേർത്തല തിരുവിഴ ജംഗ്ഷനു സമീപം ലോറിയും കാറും തമ്മിൽ കൂട്ടിയിടിച്ച് കാറിലുണ്ടായിരുന്ന യുവതി മരിച്ചു.മൂന്ന് പേർക്ക് പരിക്കേറ്റു. ആലുവ മുപ്പത്തടം മണപ്പുറത്ത് ഹൗസ് അനന്തുവിന്റെ ഭാര്യ വിഷ്ണുപ്രിയ (19) ആണ് മരിച്ചത്.കാറിലുണ്ടായിരുന്ന അനന്തു(22),എറണാകുളം മഞ്ഞുമേൽ പയ്യമ്പള്ളി വീട്ടിൽ ജിയോ (21),സുഹൃത്ത് അഭിജിത്ത്(20) എന്നിവർക്കാണ് പരിക്കേ​റ്റത്. ചേർത്തലയിലെ സ്വകാര്യ ആശുപത്രിയിലെത്തിച്ച ഇവരെ പിന്നീട് ആലപ്പുഴ മെഡിക്കൽ കോളേജിലും കൊച്ചിയിലെ സ്വകാര്യ ആശുപത്രിയിലേക്കും കോട്ടയം മെഡിക്കൽ കോളേജിലേക്കും മാ​റ്റി. കൊച്ചിയിലെ ആശുപത്രിയിൽവച്ചാണ് വിഷ്ണുപ്രിയ മരിച്ചത്. ഇന്നലെ രാവിലെ 8.30 ന്നായിരുന്നു അപകടം.ആലപ്പുഴ ഭാഗത്തുനിന്ന് വരുകയായിരുന്ന കാറും ചേർത്തല ഭാഗത്തുനിന്നും വരുകയായിരുന്ന ലോറിയും തമ്മിൽ കൂട്ടിയിടിക്കുകയായിരുന്നുവെന്ന് പൊലീസ് പറഞ്ഞു.

മാരാരിക്കുളം പൊലീസും ഹൈവേപൊലീസും നാട്ടുകാരും ചേർന്ന് കാർ വെട്ടിപ്പൊളിച്ചാണ് കാറിലുണ്ടായിരുന്ന നാലുപേരെയും പുറത്തെടുത്തത്.