ആലപ്പുഴ: ജില്ലയിൽ ഇന്നലെ 381 പേർക്ക് കൊവിഡ് സ്ഥിരീകരിച്ചതോടെ ചികിത്സയിലുള്ളവരുടെ എണ്ണം 6144 ആയി. 376 പേർക്ക് സമ്പർക്കത്തിലൂടെയാണ് രോഗം ബാധിച്ചത്. അഞ്ചു പേരുടെ സമ്പർക്ക ഉറവിടം വ്യക്തമല്ല. 896 പേരുടെ പരിശോധനാഫലം നെഗറ്റീവായതോടെ 40,805 പേർ രോഗ മുക്തരായി. എടത്വ സ്വദേശി കൃഷ്ണൻ ദാമോദരൻ (76), ചേർത്തല സ്വദേശി പത്ഭനാഭൻ (72), ഹരിപ്പാട് സ്വദേശി സുധാകരൻ (64 എന്നിവരുടെ മരണം കൊവിഡ് മൂലമാണെന്ന് സ്ഥിരീകരിച്ചു.
ജില്ലയിൽ നിരീക്ഷണത്തിലുള്ളവർ: 9837
വിവിധ ആശുപത്രികളിലുള്ളവർ : 4151
ഇന്നലെ ആശുപത്രിയിൽ പ്രവേശിപ്പിച്ചവർ: 211
# 41 കേസ്, 9 അറസ്റ്റ്
ജില്ലയിൽ കൊവിഡ് മാനദണ്ഡ ലംഘനവുമായി ബന്ധപ്പെട്ട് 41 കേസുകളിൽ ഒൻപത് പേരെ അറസ്റ്റ് ചെയ്തു. മാസ്‌ക്
ധരിക്കാത്തതിന് 273 പേർക്കും സാമൂഹ്യ അകലം പലിക്കാത്തതിന് 790 പേർക്കും എതിരെ നടപടി സ്വീകരിച്ചു.