ന്യൂഡൽഹി: നിയമം ലംഘിച്ചാണ് സംഘടനയുടെ പ്രവർത്തനമെന്ന് ആരോപിച്ച് ഐ.പി.എസ് ഉദ്യോഗസ്ഥരുടെ സംഘടനയായ സെൻട്രൽ ഐ.പി.എസ് അസോസിയേഷനെതിരെ പരാതി.
എസ്.എസ്. കോത്തിയാലാണ് കേന്ദ്ര ആഭ്യന്തര സെക്രട്ടറിക്ക് പരാതി നൽകിയത്.
സർക്കാർ സ‍ർവീസിൽ ഇരിക്കുന്ന ഉദ്യോഗസ്ഥർ കേന്ദ്രസർക്കാരിന്റെ അനുമതിയില്ലാതെയാണ് ഈ സംഘടനയിൽ പ്രവർത്തിക്കുന്നതെന്നും ഇത് ചട്ടലംഘനമാണെന്നും പരാതിയിൽ പറയുന്നു.
ട്രേഡ് യൂണിയൻ പ്രവ‍ർത്തനമാണ് അസോസിയേഷൻ നടത്തുന്നത്. സേനയുടെ അച്ചടക്കത്തെ ബാധിക്കുന്നതാണ് ഇത്. സംഘടനയുടെ ഭാരവാഹികളുടെ പേര് അടക്കം പരാതിയിൽ പരാമർ‍ശിക്കുന്നു. ഇവർക്കെതിരെ നടപടിയെടുക്കണമെന്നും' എസ്.എസ് കോത്തിയാൽ പരാതിയിൽ ആവശ്യപ്പെടുന്നു.