ന്യൂഡൽഹി: പതിനഞ്ചാം ധനകാര്യ കമ്മീഷൻ തയ്യാറാക്കിയ 2025- 26 സാമ്പത്തിക വർഷം വരെയുള്ള റിപ്പോർട്ട് രാഷ്‌ട്രപതി രാംനാഥ് കോവിന്ദിന് സമർപ്പിച്ചു.

നിർദ്ദേശങ്ങളിൽ മേൽ കൈക്കൊണ്ട നടപടികളും വിശദ വിവരങ്ങളും സഹിതം റിപ്പോർട്ട് കേന്ദ്രസർക്കാർ അടുത്ത പാർലമെന്റ് സമ്മേളനത്തിൽ അവതരിപ്പിക്കും. തുടർന്ന് പൊതുജനങ്ങൾക്കും ലഭ്യമാകും.

കമ്മിഷൻ അദ്ധ്യക്ഷൻ എൻ. കെ. സിംഗ്, അംഗങ്ങളായ അജയ് നാരായൺ ഝാ, പ്രൊഫ. അനൂപ് സിംഗ്, ഡോ. അശോക് ലാഹിരി, ഡോ. രമേശ് ചന്ദ്, കമ്മീഷൻ സെക്രട്ടറി അരവിന്ദ് മെഹ്‌ത എന്നിവർ ചേർന്നാണ് നാല് വാല്യങ്ങളുള്ള റിപ്പോർട്ട് കൈമാറിയത്. ഒന്ന്,രണ്ട് വാല്യങ്ങളിൽ പ്രധാന റിപ്പോർട്ടും, അനുബന്ധ വിവരങ്ങളും മൂന്നാം വാല്യത്തിൽ കേന്ദ്രസർക്കാർ, നാലിൽ സംസ്ഥാന സർക്കാർ വിവരങ്ങളും ഉൾപ്പെടുത്തിയിട്ടുണ്ട്.