കൊച്ചി: ഭിന്നശേഷി മേഖലയോടുള്ള കേന്ദ്ര-സംസ്ഥാന സർക്കാരുകളുടെ അനീതിയിലും അവഗണനയിലും പ്രതിഷേധിച്ച് ചെറുപുഷ്പ മിഷൻ ലീഗ് സംഘടിപ്പിക്കുന്ന പ്രതിഷേധ കൂട്ടായ്മ ഇടപ്പള്ളി പള്ളി അങ്കണത്തിൽ ഇന്ന് രാവിലെ 11ന് ഹൈബി ഈഡൻ എം.പി. ഉദ്ഘാടനം ചെയ്യും. കെ.സി.ബി.സി ഡെപ്യൂട്ടി സെക്രട്ടറി ജനറൽ ഫാ.ജേക്കബ് പാലയ്ക്കപള്ളി മുഖ്യപ്രഭാഷണം നടത്തും. ഭിന്നശേഷി വിദ്യാഭ്യാസ മേഖലയിലെ കടുത്ത പ്രതിസന്ധികൾ ജനശ്രദ്ധയിൽ എത്തിക്കുന്നതിനാണ് സമരപരിപാടിയെന്ന് പ്രസിന്റ് ജോർജ് കാട്ടിത്തറ അറിയിച്ചു.