പറവൂർ: പ്രളയാനന്തര പുനർനിർമ്മാണ പ്രവർത്തനങ്ങളുടെ ഭാഗമായി കേരള പ്രദേശ് കോൺഗ്രസ് കമ്മിറ്റി നിർമ്മിച്ചു നൽകിയ വീടിന്റെ താക്കോൽ വി.ഡി. സതീശൻ എം.എൽ.എയും കെ.പി.സി.സി വൈസ് പ്രസിഡന്റ് കെ.പി. ധനപാലനും ചേർന്ന് കൈമാറി. കോട്ടുവള്ളി കൈതാരം ഇടഞ്ഞാപ്പിള്ളി നികത്തിൽ ബെന്നിക്കും കുടുംബത്തിനുമാണ് വീട് നിർമ്മിച്ചു നൽകിയത്. ഡി.സി.സി സെക്രട്ടറിമാരായ കെ.എ. അഗസ്റ്റിൻ, പി.വി. ലാജു, കൊച്ചുത്രേസ്യ ജോയ്, മണ്ഡലം പ്രസിഡന്റ് എം.എസ്. റെജി, പി.എസ്. രഞ്ജിത്ത്, എൻ.ഇ. സോമസുന്ദരൻ, ജോസഫ് തോട്ടകത്ത് ലാലു, എൻ.എം. മാർട്ടിൻ തുടങ്ങിയവർ പങ്കെടുത്തു.