വെല്ലിംഗ്ടൺ: ന്യൂസിലൻഡ് മന്ത്രിസഭയിൽ അംഗമാവുന്ന ആദ്യ ഇന്ത്യക്കാരി എന്ന ബഹുമതിയുമായി മലയാളി യുവതി. എറണാകുളം വടക്കൻ പറവൂർ സ്വദേശി രാധാകൃഷ്ണന്റെയും തൃശൂർ സ്വദേശി പരേതയായ ഉഷയുടെയും മകളാണ് ഈ നാല്പത്തൊന്നുകാരി. ന്യൂസിലൻഡ് പ്രധാനമന്ത്രി ജസിന്ത ആർഡേണിന്റെ ഉറ്റസുഹൃത്തായ പ്രിയങ്ക രണ്ടാംവട്ടം എം.പിയായതോടെയാണ് മന്ത്രിസ്ഥാനത്ത് എത്തിയത്. പിതാവ് മുപ്പതു വർഷം ജോലി നോക്കിയ സിംഗപ്പൂരിൽ നിന്നാണ് ഉന്നത പഠനത്തിനായി 2004ൽ ന്യൂസിലൻഡിൽ എത്തിയത്.

മാസ്റ്റർ ഒഫ് ഡെവലപ്മെന്റ് സ്റ്റഡീസി​ന് പഠി​ക്കവേ വെല്ലി​ഗ്ടൺ​ വി​ക്ടോറി​യ യൂണി​വേഴ്സി​റ്റി​യി​ൽ വി​ദേശ വി​ദ്യാർത്ഥി​കളുടെ നേതാവായി​ പൊതുരംഗത്തി​റങ്ങി​. ലേബർ പാർട്ടി​യുടെ സജീവപ്രവർത്തകയായി​ട്ട് പതി​നഞ്ച് വർഷമായി​.

നേതൃപാടവം പ്രകടമാക്കിയ പ്രിയങ്ക ലേബർ പാർട്ടിയുടെ നയരൂപീകരണ കമ്മിറ്റി അംഗമായും പാർട്ടിയിലെ ഉപദേശകയായും മാറി.

ഓക്‌ലാൻഡി​ലെ മൊംഗാകീകി​ മണ്ഡലത്തി​ലെ എം.പി​യാണ്. ഭർത്താവ് റി​ച്ചാർഡ്സൺ​ ഐ.ടി​ പ്രൊഫഷണലാണ്.

പിതാവ് ചെന്നൈയിലാണ് ഇപ്പോഴും. കഴിഞ്ഞ വർഷം ഫെബ്രുവരിയിലാണ് പ്രിയങ്കയുടെ മാതാവ് ഉഷ നിര്യാതയായത്. മരണാനന്തര ചടങ്ങുകൾക്ക് പ്രിയങ്ക എത്തിയിരുന്നു.

ഏക സഹോദരി കുടുംബ സമേതം കാനഡയിലാണ്.

നന്നായി​ മലയാളം സംസാരി​ക്കുന്ന പ്രി​യങ്ക ഗാനഗന്ധർവൻ യേശുദാസി​ന്റെ ആരാധി​ക കൂടി​യാണ്.

കഴി​ഞ്ഞ ഓണത്തി​ന് ന്യൂസി​ലാൻഡ് പ്രസി​ഡന്റ് ജസീന്ത ആർഡനൊപ്പം മലയാളി​കൾക്കുള്ള പ്രി​യങ്കയുടെ ഓണാശംസ സന്ദേശം വൈറലായി​രുന്നു.

# താരത്തിളക്കത്തിൽ കിഴക്കേവയൽമഠം തറവാട്

പറവൂർ: ന്യൂസിലൻഡിൽ മലയാളിയായ പ്രിയങ്ക മന്ത്രിയായതോടെ താരത്തിളക്കത്തിലാണ് പിതാവ് എസ്. രാധാകൃഷ്ണൻ ജനിച്ചു വളർന്ന പറവൂർ ദക്ഷിണ മൂകാംബിക ക്ഷേത്രത്തിനു സമീപത്തുള്ള കിഴക്കേ വയൽമഠം തറവാട്. റിജിയണൽ എൻജിനിയറിംഗ് കോളേജിലെ പഠനവും കാൺപൂർ ഐ.ഐ.ടിയിലെ ഉന്നത പഠനവും കഴിഞ്ഞ് രാധാകൃഷ്ണൻ കേരളം വിട്ടു. പറവൂരി​ലെ തറവാട്ടുവീട്ടിൽ ഇപ്പോൾ താമസം ബന്ധുവായ റിട്ട. ജഡ്ജി ഗോപാല മേനോന്റെ മകൾ ബീന രാധയാണ്.രാധാകൃഷ്ണന്റെ സഹോദരി വിജയലക്ഷ്മി എറണാകുളത്തുണ്ട്.

ജോലി സംബന്ധമായി മുംബയി​ലും ചെന്നെെയിലും പിന്നീട് സിംഗപ്പൂരിലുമായിരുന്നു രാധാകൃഷ്ണനും കുടുംബവും. ചെന്നൈയി​ലാണ് പ്രി​യങ്ക ജനി​ച്ചത്.

രാധാകൃഷ്ണൻ 1972ൽ സിംഗപ്പൂരിലെത്തി മുപ്പതുവർഷം ജോലി നോക്കി. പ്രിയങ്ക വളർന്നതും പഠിച്ചതും അവിടെയായിരുന്നു.ഇരുപതു വർഷം മുമ്പ് രാധാകൃഷ്ണൻ ചെന്നൈയിലേക്ക് താമസം മാറ്റി.

പിതാവ് രാധാകൃഷ്ണന്റെ മുത്തശ്ശിയുടെ സഹോദരീഭർത്താവായിരുന്നു എഴുത്തുകാരനായ കേസരി ബാലകൃഷ്ണപിള്ള. തമിഴ് തൊഴിലാളി രാഷ്ട്രീയത്തിൽ സജീവമായിരുന്നു അമ്മ ഉഷയുടെ മുത്തച്ഛൻ ഡോ. ടി. ആർ. കൃഷ്ണപിള്ള.

മു​ഖ്യ​മ​ന്ത്രി​യു​ടെ​ ​അ​ഭി​ന​ന്ദ​നം

തി​രു​വ​ന​ന്ത​പു​രം​:​ ​പ്രി​യ​ങ്ക​ ​രാ​ധാ​കൃ​ഷ്ണ​നെ​ ​അ​നു​മോ​ദി​ച്ച് ​മു​ഖ്യ​മ​ന്ത്രി​ ​പി​ണ​റാ​യി​ ​വി​ജ​യ​ൻ​ ​ക​ത്ത​യ​ച്ചു.
മ​ല​യാ​ളി​ക​ൾ​ക്കൊ​ന്നാ​കെ​ ​അ​ഭി​മാ​നി​ക്കാ​വു​ന്ന​ ​കാ​ര്യ​മാ​ണി​ത്.​ ​കൊ​വി​ഡ് ​പ്ര​തി​രോ​ധം​ ​മി​ക​ച്ച​ ​രീ​തി​യി​ൽ​ ​ന​ട​പ്പി​ലാ​ക്കിയരാ​ജ്യ​മാ​ണ് ​ന്യൂ​സി​ല​ൻ​ഡ്.​ ​മാ​തൃ​കാ​പ​ര​മാ​യ​ ​അ​ത്ത​രം​ ​പ്ര​വ​ർ​ത്ത​ന​ങ്ങ​ളു​മാ​യി​ ​ആ​ ​രാ​ജ്യ​ത്തി​ന്റെ​ ​വി​ക​സ​ന​ത്തി​ലും​ ​സാ​മൂ​ഹ്യ​പു​രോ​ഗ​തി​യി​ലും​ ​മി​ക​ച്ച​ ​സം​ഭാ​വ​ന​ക​ള​ർ​പ്പി​ക്കാ​ൻ​ ​പ്രി​യ​ങ്ക​ ​രാ​ധാ​കൃ​ഷ്ണ​നാ​ക​ട്ടെ​ ​എ​ന്ന്മു​ഖ്യ​മ​ന്ത്രി​ ​ആ​ശം​സി​ച്ചു.