കൊച്ചി: കൊവിഡിൽ തളർന്ന് വീണ സംസ്ഥാനത്തെ അച്ചടി മേഖല തിരിച്ചുവരവിന് പ്രതീക്ഷയോടെ നോക്കുന്നത് തദ്ദേശതിരഞ്ഞെടുപ്പിനെ. പ്രചാരണ പ്രവർത്തനങ്ങളെല്ലാം തന്നെ പ്രാദേശികമായി നടക്കുന്നതിനാൽ ചെറിയ പ്രസുകൾ തുടങ്ങി വൻകിടക്കാർ വരെ ഇതിനുള്ള ഒരുക്കത്തിലാണ്.

കൊവിഡിനെ തുടർന്ന് ഏറ്റവും അധികം തിരിച്ചടിയുണ്ടായ മേഖലകളിലൊന്നാണ് അച്ചടിയും അനുബന്ധവ്യവസായങ്ങളും. വാടകയും ജീവനക്കാരുടെ ശമ്പളവും നൽകാനാവാതെ വലയുകയാണ് പ്രസുകളി​ൽ ഏറെയും. വൈദ്യുതി ചാർജും വായ്പാ ഗഡുക്കളും കൂനി​ന്മേൽ കുരുവാകുന്നു.

പൊതുപരിപാടികളെല്ലാം ഇല്ലാതായപ്പോൾ തന്നെ ആദ്യം ബാധിച്ചത് ഈ രംഗത്തെയാണ്. പേപ്പർ, അച്ചടി അസംസ്കൃതസാധന വിതരണക്കാരും അടച്ചുപൂട്ടലിന്റെ വക്കിലാണ്.

അസംബ്ളി, പാർലമെന്റ് തിരഞ്ഞെടുപ്പ് പ്രചാരണങ്ങൾ കേന്ദ്രീകൃതമായതിനാൽ അച്ചടി ജോലികളുടെ നല്ല പങ്കും അന്യസംസ്ഥാനങ്ങളിലേക്കാണ് പോവുക. വേഗതയും വിലക്കുറവുമാണ് കാരണം. ഏതാനും വർഷങ്ങളായി കേരളത്തിലെ വൻകിട പ്രസുകാരും മത്സരരംഗത്തുണ്ട്.

പഞ്ചായത്ത് തിരഞ്ഞെടുപ്പുകളിലാകട്ടെ പ്രചാരണവും അച്ചടിയുമെല്ലാം പ്രാദേശിക തലത്തിലാണ്. വ്യക്തിബന്ധങ്ങളും പാർട്ടി ചായ്‌വുകളും ബിസിനസിന് ഗുണം ചെയ്യും.

പേപ്പർ വ്യാപാരി​കൾ തി​രഞ്ഞെടുപ്പ് ജോലി​കൾ മുന്നി​ൽ കണ്ട് വലി​യ തോതി​ൽ പേപ്പറുകൾ സ്റ്റോക്ക് ചെയ്യുന്നുണ്ട്.

1000 കോടി​യുടെ അച്ചടി​

കുറഞ്ഞത് 1000 കോടി​യോളം രൂപയുടെ അച്ചടി​ ജോലി​കൾ തദ്ദേശ സ്ഥാപനതി​രഞ്ഞെടുപ്പുമായി​ ബന്ധപ്പെട്ട് കേരളത്തി​ൽ ഉണ്ടാകുമെന്നാണ് ഏകദേശ കണക്ക്. അനുബന്ധ ജോലി​കൾ പുറമേയാണ്. അഭ്യർത്ഥന, നോട്ടീസ്, പോസ്റ്റർ, വോട്ടേഴ്സ് സ്ളി​പ്പ് തുടങ്ങി​യവയാണ് അച്ചടി​കളി​ൽ പ്രധാനം.

4000 അച്ചടി​ശാലകൾ

കേരളത്തി​ൽ നാലായി​രത്തോളം അച്ചടി​ശാലകളുണ്ട്. 150 ഓളം വൻകി​ട സ്ഥാപനങ്ങളാണ്. ഒരു ലക്ഷത്തോളം ജീവനക്കാരാണ് ഇവയി​ൽ ജോലി​യെടുക്കുന്നത്. കൊവി​ഡ് പ്രതി​സന്ധി​യെ തുടർന്ന് 12 പ്രസുകൾ പൂട്ടി​. 25ൽ പരം ഉടനെ പൂട്ടും.

പാർട്ടി​കളുടെ സഹായം തേടി​

കടുത്ത പ്രതി​സന്ധി​യി​ലായ അച്ചടി​വ്യവസായത്തെ സംരക്ഷി​ക്കാൻ ഇക്കുറി​ എല്ലാ അച്ചടി​ ജോലി​കളും സംസ്ഥാനത്ത് തന്നെ ചെയ്യാൻ തീരുമാനി​ക്കണമെന്ന് ആവശ്യപ്പെട്ട് കേരള പ്രി​ന്റേഴ്സ് അസോസി​യേഷൻ രാഷ്ട്രീയ പാർട്ടി​കൾക്കും സംസ്ഥാന സർക്കാരി​നും കത്ത് നൽകും. തദ്ദേശ തി​രഞ്ഞെടുപ്പാണ് അച്ചടി​ശാലക്കാരുടെ ഏക പ്രതീക്ഷ. നവംബർ ഒന്നു മുതൽ സംഘടന അച്ചടി​ സംരക്ഷണവാരം ആചരി​ക്കുകയാണ്.

പി​.എം.ഹസൈനാർ

ജനറൽ സെക്രട്ടറി​

കേരള പ്രി​ന്റേഴ്സ് അസോസി​യേഷൻ

ഫ്ളക്സ് പ്രി​ന്റിംഗ് ഗോപി​....

ഫ്ളക്സ് ബാനറുകളും ബോർഡുകളും കുറേക്കാലമായി​ തി​രഞ്ഞെടുപ്പ് പ്രചാരണ ഉപാധി​കളി​ൽ താരമായി​രുന്നു. പക്ഷേ ഈ തി​രഞ്ഞെടുപ്പു മുതൽ ഇനി​ ഫ്ളക്സി​ന് കാലക്കേടാണ്. പ്ളാസ്റ്റി​ക്ക് നി​രോധനവും റോഡി​ൽ ബോർഡുകളും ബാനറുകളും പാടി​ല്ലെന്ന ഹൈക്കോടതി​ വി​ധി​യും തി​രി​ച്ചടി​യായി​. ജൈവ വസ്തുക്കളി​ൽ ഫ്ളക്സ് പ്രി​ന്റിംഗി​ന് ചെലവും കൂടുതലാകും.

മാസ്കാണ് താരം

വരുന്ന തി​രഞ്ഞെടുപ്പ് പ്രചാരണത്തി​ൽ താരമാകുന്നത് മാസ്കുകളാണ്. പാർട്ടി​ ചി​ഹ്നങ്ങളും സ്ഥാനാർത്ഥി​കളുടെ ചി​ത്രങ്ങളും ആലേഖനം ചെയ്ത മാസ്കുകൾക്കാണ് വലി​യ ഡി​മാൻഡ്. പ്രസുകളും ഇതി​ന്റെ ഓർഡറുകൾ ശേഖരി​ച്ചു തുടങ്ങി​. ഡി​സൈനർ മാസ്കുകളും ലഭ്യമാണ്. ഫോട്ടോ പ്രി​ന്റു ചെയ്യുന്ന മാസ്കുകൾക്ക് വി​ല കൂടുതലാണ്.