പട്ടിമറ്റം: കൊവിഡ് പ്രതിസന്ധിയിൽപ്പെട്ട് തകർന്ന് കൊണ്ടിരിക്കുന്ന വ്യാപാരമേഖലയെ സംരക്ഷിക്കണമെന്നും, കേന്ദ്ര സംസ്ഥാന സർക്കാരുകളുടെ വ്യാപാരദ്റോഹ നടപടികൾ അവസാനിപ്പിക്കണമെന്നും ആവശ്യപ്പെട്ട് പട്ടിമറ്റത്ത് പോസ്റ്റ് ഓഫീസിന് മുന്നിലും പഞ്ചായത്ത് ഷോപ്പിംഗ് കോംപ്ലക്‌സിന്റെ മുന്നിലും വ്യാപാരി വ്യവസായി ഏകോപന സമിതിയുടെ നേതൃത്വത്തിൽ പ്രതിഷേധ സമരം നടത്തി. ജില്ലാ വൈസ് പ്രസിഡന്റ് ബാബു കുരുത്തോല ഉദ്ഘാടനം ചെയ്തു. യൂണിറ്റ് പ്രസിഡന്റ് വി.വി. ഗോപാലൻ അദ്ധ്യക്ഷനായി. ജനറൽ സെക്രട്ടറി ടി. പി. അസൈനാർ,ട്രഷറർ എൻ.കെ. ഗോപാലൻ, വൈസ് പ്രസിഡന്റുമാരായ എൻ.പി. ബാജി, ടി.വി. ബാബുരാജ്, യൂത്ത് വിംഗ് ജില്ലാ സെക്രട്ടറി വി.ജി. പ്രദീഷ്, സി.കെ. ഷംസുദ്ദീൻ, വി.എസ്. അനിൽ തുടങ്ങിയവർ നേതൃത്വം നൽകി.