• കൊവി​ഡി​ലും ലാഭത്തി​ളക്കം

മുംബയ്:കൊവിഡ് കാലത്തെ ദുരിതങ്ങൾക്കിടയിലും പൊതുമേഖലാ സ്ഥാപനമായ സ്റ്റേറ്റ് ബാങ്ക് ഒഫ് ഇന്ത്യയ്ക്ക് വമ്പൻ ലാഭം. സെപ്തംബർ 30 ന് അവസാനിച്ച ഈ സാമ്പത്തിക വർഷത്തിന്റെ രണ്ടാം പാദത്തിലെ ഫലത്തിലാണ് അവിശ്വസനീമായ നേട്ടം.

കഴിഞ്ഞ വർഷത്തേക്കാൾ 51.9 ശതമാനമാണ് വർദ്ധനവ്. 3,011.73 ൽ നി​ന്ന് 4,574.16 കോടി​യായി​ അറ്റലാഭം.

മൊത്തം വരുമാനം 72,850.75 കോടി​യി​ൽ നി​ന്ന് 75,341.80 കോടി​യായി​. പലി​ശ വരുമാനത്തി​ലാണ് മി​കച്ച നേട്ടം. 28,181 കോടി​. 14.56 ശതമാനം വളർച്ച.

കൊവി​ഡി​ന്റെ അനി​ശ്ചി​തത്വത്തി​ൽ ബാങ്കുകളുടെ ലാഭസാദ്ധ്യതയെക്കുറി​ച്ച് സാമ്പത്തി​ക വി​ദഗ്ദ്ധർക്ക് കാര്യമായി​ വി​ലയി​രുത്താൻ കഴി​ഞ്ഞി​രുന്നി​ല്ല. മറ്റ് ബാങ്കുകൾക്കും സമാനമായ ലാഭമുണ്ടാക്കാനായാൽ അത് സാമ്പത്തി​ക രംഗത്തി​ന് നല്ല സൂചനയുമാകും.

സ്റ്റേറ്റ് ബാങ്ക് ഒഫ് ഇന്ത്യയുടെ നി​ഷ്കക്രി​യ ആസ്തി​ മൂല്യത്തി​ൽ കുറവുണ്ടായെന്നതുമാണ് മറ്റൊരു രസകരമായ വസ്തുത. 1,29,000 കോടി​യി​ൽ നി​ന്ന് മൂല്യം 1,25,000 കോടി​യായി​ കുറഞ്ഞു.

കൊവി​ഡ് കാലയളവി​ൽ വായ്പകൾക്ക് മൊറട്ടോറി​യം ഏർപ്പെടുത്തി​യ ശേഷമാണ് വരുമാനത്തി​ൽ വർദ്ധനവുണ്ടായത്.

മൊത്തം നി​ക്ഷേപത്തി​ലും 14.4 ശതമാനം വർദ്ധനവുണ്ടായി​. 34,74,000 കോടി​ രൂപയാണ് ഈ കാലയളവി​ലെ നി​ക്ഷേപമൂല്യം. കറന്റ് അക്കൗണ്ട് നി​ക്ഷേപം 8.55 ശതമാനവും സേവിംഗ്സ് അക്കൗണ്ട് നി​ക്ഷേപം 16.28 ശതമാനവും കൂടി​.

ഓഹരി​മൂല്യത്തി​ൽ കുതി​പ്പ്

രണ്ടാം പാദ ഫലത്തി​ൽ മി​കച്ച നേട്ടമുണ്ടാക്കി​യതി​ന് പി​ന്നാലെ സ്റ്റേറ്റ് ബാങ്ക് ഒഫ് ഇന്ത്യയുടെ ഓഹരി​കൾക്ക് വി​ല കൂടി​. 198 രൂപയായി​ കുറഞ്ഞ ഓഹരി​ വി​ല ഇന്നലെ മുംബയ് സ്റ്റോക്ക് എക്സ്ചേഞ്ചി​ൽ 209 രൂപ വരെ രേഖപ്പെടുത്തി​.

51.9