ആലുവ: വിവിധ ആവശ്യങ്ങൾ ഉന്നയിച്ച് കേരള സ്റ്റേറ്റ് സർവീസ് പെൻഷനേഴ്സ് അസോസിയേഷൻ ആലുവ സബ് ട്രഷറിക്കു മുമ്പിൽ സംഘടിപ്പിച്ച ധർണ സംസ്ഥാന സെക്രട്ടറിയേറ്റ് മെമ്പർ കെ.ജി. രാധാകൃഷ്ണൻ ഉദ്ഘാടനം ചെയ്തു. ചികിത്സാ പദ്ധതി നടപ്പിലാക്കുക, ഡി.ആർ കുടിശ്ശിക ഉടൻ വിതരണം ചെയ്യുക തുടങ്ങിയ ആവശ്യങ്ങൾ ഉന്നയിച്ചായിരുന്നു സമരം. വി.കെ. മുരളി, ഡി. മോഹനൻ, കെ. സുകുമാരൻ, പി.എ. സെയ്താലി തുടങ്ങിയവർ സംസാരിച്ചു.