മൂവാറ്റുപുഴ: മധുരമൂറും ഗണിതപഠനം മഞ്ചാടിക്കൂടാരത്തിനു തുടക്കമായി. കേരള ഡവലപ്മെന്റ് ആൻഡ് ഇന്നവേഷൻ സ്ട്രാറ്റജിക് കൗൺസിൽ (കെ - ഡിസ്ക് ) പായിപ്ര ഗ്രാമ പഞ്ചായത്തിൽ നടപ്പാക്കുന്ന മഞ്ചാടിക്കൂടാരം (സാമൂഹ്യ ഗണിത പാഠശാല) എൽദോ എബ്രഹാം എം.എൽ.എ ഉദ്ഘാടനം ചെയ്തു. യോഗത്തിൽ പഞ്ചായത്തു പ്രസിഡന്റ് ആലീസ് കെ ഏലിയാസ് അദ്ധ്യക്ഷത വഹിച്ചു. ബ്ളോക്കുപഞ്ചായത്തു പ്രസിഡന്റ് ലിസി ജോളി, ജില്ലാ പഞ്ചായത്തുമെമ്പർ എൻ. അരുൺ, പഞ്ചായത്തു വൈസ് പ്രസിഡന്റ് എം.പി.ഇബ്രാഹിം വാർഡ് മെമ്പർ വി.എച്ച്. ഷെഫീക് , മഞ്ചാടി ജില്ലാ കോ ഓർഡിനേറ്റർ പി.വി. കുര്യാക്കോസ്, അനിമേറ്റർഎ.എസ്, രേഷ്മ, എന്നിവർ സംസാരിച്ചു. കേരള സർക്കാരിന്റെയും പായിപ്ര പഞ്ചായത്തിന്റെയും സാമ്പത്തിക സഹായത്തോടെ പ്രാദേശികമായി തിരഞ്ഞെടുത്ത 60 പ്രൈമറിവിഭാഗം കുട്ടികളെ ഉൾപ്പെടുത്തിയാണ് പദ്ധതി.