പള്ളുരുത്തി: ഇടക്കൊച്ചി സഹകരണ ബാങ്കിന്റെ ആഭിമുഖ്യത്തിൽ വായ്പാമേള തുടങ്ങി. 30 ന് സമാപിക്കും. അംഗങ്ങൾക്ക് 24 മാസ കാലാവധിയിലാണ് ലോൺ നൽകുന്നത്. വിദ്യാർത്ഥികളുടെ പഠനത്തിനായുള്ള കമ്പ്യൂട്ടർ, ലാപ്ടോപ്പ് തുടങ്ങിയവ വാങ്ങുന്നതിന് മുൻതൂക്കം നൽകും. പ്രസിഡന്റ് ജോൺ റിബല്ലോ ഉദ്ഘാടനം ചെയ്തു. കെ.എം. മനോഹരൻ അദ്ധ്യക്ഷത വഹിച്ചു. കെ.എസ്. അമ്മിണിക്കുട്ടൻ, പി.ഡി. സുരേഷ്, ലില്ലി വർഗീസ്, ടി.ആർ. ജോസഫ്, ജീജാ ടെൻസൺ തുടങ്ങിയവർ സംബന്ധിച്ചു.