വൈറ്റില: എ.എൽ. ജേക്കബ് മേൽപ്പാലത്തിലെയും സർവീസ് റോഡുകളിലേയും വഴിവിളക്കുകൾ തെളിയാത്തതിൽ പ്രതിഷേധിച്ച് ആർ.എസ്.പി കടവന്ത്ര ലോക്കൽ കമ്മിറ്റിയുടെ നേതൃത്വത്തിൽ റീത്ത് വെച്ച് പ്രതിഷേധിച്ചു.
ഗാന്ധിനഗർ മേഖലയിൽ പല വഴിവിളക്കുകളും തെളിയുന്നില്ല. ഈ സാഹചര്യം സാമൂഹ്യവിരുദ്ധർ മുതലെടുക്കുകയാണ്. മേൽപ്പാലത്തിലെയും സർവീസ് റോഡുകളിലേയും വഴി വിളക്കുകൾ തെളിയിക്കാൻ വേണ്ട നടപടികൾ സ്വീകരിക്കാൻ അടിയന്തര നടപടി സ്വീകരിക്കണമെന്ന് പ്രതിഷേധക്കാർ ആവശ്യപ്പെട്ടു.
ആർ.എസ്.പി ജില്ലാ കമ്മിറ്റിഅംഗം വി.ടി. വിനീത് ഉദ്ഘാടനം ചെയ്തു.കടവന്ത്ര ലോക്കൽ സെക്രട്ടറി സബിതാ സുഭാഷ് അദ്ധ്യക്ഷത വഹിച്ചു. നേതാക്കളായ കെ.ടി. സാബു, അൽഫോൻസാ ബിജു, സ്വാമി, കെ. പ്രമോദ് എന്നിവർ സംസാരിച്ചു