കിഴക്കമ്പലം: പള്ളിക്കര വ്യാപാരി വ്യവസായി ഏകോപന സമിതി കൊവിഡ് ചികിത്സ ഉൾപ്പെടെ ഒരു കടുംബത്തിന് 5 ലക്ഷം രൂപ ലഭിക്കുന്ന ആരോഗ്യ ഇൻഷ്വൻസ് പദ്ധതി വ്യാപാരികൾക്കായി നടപ്പാക്കുന്നു. പദ്ധതിയിൽ ചേർന്നിട്ടുള്ള അംഗങ്ങളുടെ സർട്ടിഫിക്ക​റ്റ് വിതരണം വ്യാപാരഭവനിൽ ജില്ലാ പ്രസിഡന്റ് പി.സി. ജേക്കബ് നിർവഹിച്ചു. പ്രസിഡന്റ് സി.ജി. ബാബു അദ്ധ്യക്ഷനായി. ജില്ലാ ജനറൽ സെക്രട്ടറി എ. ജെ.റിയാസ്, നാരായൺ ദാസ്, ടോജി തോമസ്, എൻ.പി. ജോയി എന്നിവർ സംസാരിച്ചു.