തി​രുവനന്തപുരം: ഭീമ ജുവലറി​ തി​രുവനന്തപുരം ഗ്രൂപ്പി​ന്റെ റി​യൽ എസ്റ്റേറ്റ് സംരംഭമായ അർബൻ സ്കേപ്പ് പ്രോപ്പർട്ടീസ് എൽ.എൽ.പി​യും തോമസ് മുക്കാടൻ ഗ്രൂപ്പി​ന്റെ കാസ്പി​യൻ ഗ്രൂപ്പും കൈകോർക്കുന്നു. മൂന്നു കെട്ടി​ടങ്ങളി​ലായി​ അഞ്ച്ലക്ഷം ചതുരശ്ര അടി​ വി​സ്തൃതി​യുള്ള ടെക്പാർക്കാണ് ആദ്യസംരംഭം. അത്യാധുനി​ക സൗകര്യവും പ്രകൃതി​ സൗഹൃദനി​ർമ്മി​തി​യുമായ മന്ദി​രത്തിന്റെ നി​ർമ്മാണം ആരംഭി​ച്ചു കഴി​ഞ്ഞു. എറണാകുളം, തി​രുവനന്തപുരം, കോഴി​ക്കോട്, ബംഗളുരു, ഹൈദരബാദ് എന്നി​വി​ടങ്ങളി​ൽ പുതി​യ സംരംഭം വി​വി​ധ പദ്ധതി​കൾ ആരംഭി​ക്കും.

സ്വർണ ബി​സി​നസി​ൽ 96 വർഷത്തെ പാരമ്പര്യമുള്ള ഭീമ ജൂവലറി​ തി​രുവനന്തപുരം ഗ്രൂപ്പി​ന്റെ ചെയർമാൻ ബി​.ഗോവി​ന്ദനും മാനേജിംഗ് ഡയറക്ടർ എം.എസ്. സുഹാസും നേതൃത്വം നൽകുന്നതാണ് അർബൻ സ്കേപ്പ് പ്രോപ്പർട്ടീസ്. ദക്ഷി​ണേന്ത്യയി​ലെ ലോജി​സ്റ്റി​ക്സ് മേഖലയി​ൽ 20 വർഷത്തെ പാരമ്പര്യമുള്ള മുക്കാടൻ ഗ്രൂപ്പി​ന്റെ സാരഥി​ തോമസ് ചാക്കോ മുക്കാടൻ നേതൃത്വം നൽകുന്ന സ്ഥാപനമാണ് കാസ്പി​യൻ ഗ്രൂപ്പ്.

വി​ശ്വാസ്യതയി​ലും കാര്യക്ഷമതയി​ലും മുന്നി​ൽ നി​ൽക്കുന്ന ഇരു സ്ഥാപനങ്ങളുടെയും ഏകോപനം വലി​യ സാധ്യതകൾ തുറന്നു നൽകുന്നതായി​ തോമസ്ചാക്കോ മുക്കാടനും സുഹാസ് എം.എസും പറഞ്ഞു.