കോലഞ്ചേരി: പൂതൃക്ക പഞ്ചായത്ത് ചൂണ്ടി വാർഡിലെ കാരിക്കാട്ട് മല മനിച്ചേരിതാഴം, കണ്യാട്ടുകുടി മനിച്ചേരിത്താഴം, ചെമ്മല കോളനി ആശാരിമ​റ്റം റോഡുകളുടെ ഉദ്ഘാടനം പഞ്ചായത്ത് പ്രസിഡന്റ് ഷിജി അജയൻ, വനിതാ കമ്മീഷനംഗം അഡ്വ. ഷിജി ശിവജി എന്നിവർ ചേർന്ന് നിർവഹിച്ചു. സ്​റ്റാൻഡിംഗ് കമ്മി​റ്റി ചെയർപേഴ്‌സൺ നീമ ജിജോ അദ്ധ്യക്ഷയായി. പോൾ വെട്ടിക്കാടൻ, സാലി ബേബി, എ. സുഭാഷ്, ഗീത ശശി, എം.എൻ. അജിത്, പി.വി. റെജി, ബിന്ദു സാജു എന്നിവർ സംസാരിച്ചു.