കോലഞ്ചേരി: വോട്ടു ചെയ്യാൻ പോകും മുമ്പ് വോട്ടർ പട്ടികയിൽ പേരുണ്ടോ എന്നറിയണ്ടേ ? വിപുലമായ സൗകര്യങ്ങളാണ് തിരഞ്ഞെടുപ്പ് കമ്മിഷൻ ഇതിനായി ഒരുക്കിയിരിക്കുന്നത്.

• എസ്.എം.എസ് മുഖാന്തിരം അറിയുന്നതിന് ELE സ്പേസ് വോട്ടർ ഐഡികാർഡ് നമ്പർ ടൈപ്പ് ചെയ്ത് 56677 നമ്പറിൽ അയക്കാം.

• ടോൾ ഫ്രീ നമ്പറായ 1950 രാവിലെ 10 നും വൈകിട്ട് 5 നും ഇടയിൽ വിളിച്ചാലും വിവരം ലഭിക്കും.

• തിരഞ്ഞെടുപ്പ് കമ്മീഷന്റെ വെബ് സൈറ്റായ www.ceo.kerala.gov.in പരിശോധിച്ചാൽ പുതുക്കിയ വോട്ടർ പട്ടിക ലഭിക്കും.

• നാഷണൽ വോട്ടേഴ്സ് സർവ്വീസ് പോർട്ടലായ www.nvsp.in വോട്ടുണ്ടോ എന്ന് പരിശോധിക്കാം.

• വോട്ടേഴ്സ് ഹെൽപ്പ് ലൈൻ എന്ന മൊബൈൽ ആപ്പ് വഴിയും പരിശോധന നടത്താം.

ഹരി​തം തി​രഞ്ഞെടുപ്പ്

ഇക്കുറി​ തി​രഞ്ഞെടുപ്പി​നും ഹരി​തചട്ടം ബാധകം. റാലി, ചെറിയ സമ്മേളനങ്ങൾ എന്നിവയിൽ ഒ​റ്റത്തവണ ഉപയോഗിച്ച് ഉപേക്ഷിക്കുന്ന പ്ലാസ്​റ്റിക്കുകളും മ​റ്റു വസ്തുക്കളും പാടില്ല. പോളിംഗ് ഉദ്യോഗസ്ഥർക്കു കഴുകി ഉപയോഗിക്കാവുന്ന പാത്രത്തിലോ വാഴയിലയിലോ ഭക്ഷണം നൽകണം.

രാഷ്ട്രീയപാർട്ടി പ്രതിനിധികളുമായി ആലോചിച്ച്, പ്രദേശങ്ങൾക്കു യോജിച്ച വിധത്തിൽ ഹരിതചട്ടം നടപ്പാക്കാനാണ് നിർദേശം. തിരഞ്ഞെടുപ്പ് ഡ്യൂട്ടിയില്ലാത്ത ഉദ്യോഗസ്ഥരെ ഗ്രീൻ പ്രോട്ടോകോൾ ഓഫിസർമാരായി നിയമിച്ചു. തദ്ദേശ സ്ഥാപനങ്ങളിൽ ഹരിതചട്ട കമ്മി​റ്റികളും രൂപീകരിക്കും.