കൊച്ചി: ചോറ്റാനിക്കര അമ്മയ്ക്ക് 526 കോടി രൂപയുടെ ക്ഷേത്രനഗരി പദ്ധതി പ്രഖ്യാപി​ച്ച ബംഗളൂരു വ്യവസായി ഗണശ്രാവണ് ​ സ്നേഹോഷ്മളമായ വരവേല്പ്. കുടുംബാംഗങ്ങളും ബംഗളൂരുവിൽ നിന്നുള്ള ആർക്കിടെക്ടുമാരും അടങ്ങുന്ന സംഘം ഞായറാഴ്ച രാത്രിയാണ് ചോറ്റാനിക്കരയിൽ എത്തിയത്. ഇന്നലെ രാവിലെ രണ്ട് മണിക്കൂറോളം സംഘം ക്ഷേത്രത്തിൽ തങ്ങി.

ഗണശ്രാവണിനെ തിരിച്ചറിഞ്ഞ ഭക്തരും ദേവസ്വം ജീവനക്കാരും കുശാലാന്വേഷണം നടത്താനും സെൽഫിയെടുക്കാനും കാത്തുനിന്നു.

ഇന്നലെ ക്ഷേത്രത്തിലെത്തിയ സംഘത്തെ കൊച്ചിൻ ദേവസ്വം ബോർഡ് ചോറ്റാനിക്കര അസി.കമ്മിഷണർ ബിജു ആർ.പിള്ള, മാനേജർ എം.ജി​.യകുലദാസ് തുടങ്ങിയവർ ചേർന്ന് സ്വീകരിച്ചു. ദേവസ്വം ബോർഡംഗം എൻ.കെ. ശിവരാജനും ക്ഷേത്രത്തിൽ ഉണ്ടായിരുന്നു. പദ്ധതിയുടെ രൂപകല്പന നിർവഹിച്ച അജിത്ത് അസോസിയേറ്റ്സ് ഡയറക്ടർ ബി.ആർ. അജിത്തും ഗണശ്രാവണിനൊപ്പം ക്ഷേത്രം സന്ദർശിച്ചു.

പ്രമുഖ സ്വർണവ്യവസായിയാണ് ഗണശ്രാവൺ. ദക്ഷിണാഫ്രിക്കയിൽ സ്വർണഖനിയുണ്ട്. വിദേശത്ത് മറ്റ് ബിസിനസുകൾക്കു പുറമേ, ബംഗളൂരുവിൽ റിയൽ എസ്റ്റേറ്റിലും നിക്ഷേപമുണ്ട്. നാല് വർഷം മുമ്പാണ് ചോറ്റാനിക്കര ഭഗവതിയുടെ ഭക്തനായത്. ബിസിനസിലെ ഉയർച്ച അതിനുശേഷമാണെന്നും അത് ചോറ്റാനിക്കര അമ്മയുടെ അനുഗ്രഹം കൊണ്ടാണെന്നും ഗണശ്രാവൺ പറയുന്നു. തി​രുപ്പതി​യി​ലേതുപോലെ ഭക്തർക്കായി​ സൗകര്യങ്ങൾ ഒരുക്കാനാണ് ആഗ്രഹമെന്ന് അദ്ദേഹം പറഞ്ഞു.

രണ്ട് ഘട്ടമായാണ് ഗണശ്രാവണിന്റെ സ്വാമിജി ഗ്രൂപ്പ് ഒഫ് കമ്പനീസ് പണം മുടക്കുക. മേൽക്കാവിലെ ശ്രീകോവിൽ സ്വർണം കൊണ്ടും കീഴ്ക്കാവിലെ ശ്രീകോവിൽ വെള്ളി കൊണ്ടു പൊതിയാനും പദ്ധതിയുണ്ട്.

ക്ഷേത്രപരിസരം ശില്പചാതുരിയോടെ പുനർനിർമ്മിച്ച് സുന്ദരമായ ക്ഷേത്ര നഗരിയാക്കുകയാണ് ലക്ഷ്യം. പണമായി നൽകാതെ, നേരിട്ട് നിർമ്മാണം പൂർത്തിയാക്കി സമർപ്പിക്കും.

ഹൈക്കോടതി ദേവസ്വം ബെഞ്ചിന്റെ അനുമതി ലഭിച്ച് ധാരണപത്രം ഒപ്പുവച്ച ശേഷമാകും നിർമ്മാണം.പ്രത്യേക സമിതി മേൽനോട്ടം വഹിക്കും.

ആദ്യഘട്ടത്തിനായി 254 കോടി നിർവഹണ കമ്മിറ്റിയുടെ പേരിൽ ബാങ്കിൽ നിക്ഷേപിക്കാൻ ധാരണയായിട്ടുണ്ട്. പ്രാരംഭപ്രവർത്തനങ്ങൾക്ക് അഞ്ച് കോടി രൂപ നൽകണം.

നിർമ്മാണങ്ങൾ ചുറ്റമ്പലത്തിന് പുറത്തുമാത്രം

ക്ഷേത്രചുറ്റമ്പലത്തിന് പുറത്ത് മാത്രമാകും നിർമ്മാണ പ്രവർത്തനങ്ങൾ. സ്ഥലം ഏറ്റെടുക്കാൻ 50 കോടി​ നീക്കി​വയ്ക്കും. പുതി​യ ഗസ്റ്റ് ഹൗസുകൾ നി​ർമ്മി​ക്കും.

എം.കെ. ശി​വരാജൻ, കൊച്ചി​ൻ ദേവസ്വം ബോർഡംഗം.

ക്ഷേ​ത്ര​ന​ഗ​രി​ ​തി​രു​പ്പ​തി മാ​തൃ​ക​യി​ൽ​:​ഗ​ണ​ശ്രാ​വൺ, 500​ ​കി​ട​ക്ക​യു​ള്ള​ ​ആ​ശു​പ​ത്രി​ക്ക് 150​ ​കോ​ടി

കൊ​ച്ചി​:​ ​ചോ​റ്റാ​നി​ക്ക​ര​യെ​ ​തി​രു​പ്പ​തി​ ​മാ​തൃ​ക​യി​ൽ​ ​ക്ഷേ​ത്ര​ന​ഗ​രി​യാ​യി​ ​വി​ക​സി​പ്പി​ക്കു​ക​യാ​ണ് ​ല​ക്ഷ്യ​മെ​ന്ന് ​ഗ​ണ​ശ്രാ​വ​ൺ​ ​വാ​ർ​ത്താ​സ​മ്മേ​ള​ന​ത്തി​ൽ​ ​പ​റ​ഞ്ഞു.​ ​അ​നു​മ​തി​ ​ല​ഭി​​​ച്ചാ​ൽ​ ​ഒ​രു​ ​മാ​സ​ത്തി​ന​കം​ ​നി​ർ​മ്മാ​ണം​ ​ആ​രം​ഭി​ക്കും.​ ​ചോ​റ്റാ​നി​ക്ക​ര​ ​നി​വാ​സി​ക​ൾ​ക്ക് ​പ്ര​യോ​ജ​ന​ക​ര​മാ​യ​ ​പ​ദ്ധ​തി​ക​ളും​ ​ന​ട​പ്പാ​ക്കും.
സൗ​ജ​ന്യ​ ​ചി​കി​ത്സ​ ​ല​ഭി​ക്കു​ന്ന​ ​അ​ഞ്ഞൂ​റ് ​കി​ട​ക്ക​ക​ളു​ള്ള​ ​മ​ൾ​ട്ടി​സ്പെ​ഷ്യാ​ലി​റ്റി​ ​ആ​ശു​പ​ത്രി​ ​നി​ർ​മ്മി​ക്കും.​ 150​ ​കോ​ടി​ ​രൂ​പ​ ​ഇ​തി​നാ​യി​ ​മാ​റ്റി​വ​യ്ക്കും.​ ​സ്ഥ​ലം​ ​ല​ഭ്യ​മാ​കു​ന്ന​തോ​ടെ​ ​നി​ർ​മ്മാ​ണം​ ​ആ​രം​ഭി​ക്കും.​ ​വൃ​ദ്ധ​സ​ദ​നം,​ ​അ​ന്ന​ദാ​ന​ ​മ​ണ്ഡ​പം,​ ​ഏ​ഴ് ​ഗ​സ്റ്റ് ​ഹൗ​സു​ക​ൾ,​ ​മൂ​ന്ന് ​റിം​ഗ് ​റോ​ഡു​ക​ൾ,​ ​ചെ​റു​കി​ട​ ​ക​ച്ച​വ​ട​ക്കാ​ർ​ക്ക് ​ഷോ​പ്പിം​ഗ് ​കോം​പ്ള​ക്സ്,​ ​ക​ര​കൗ​ശ​ല​ ​ഉ​ത്പ​ന്ന​ങ്ങ​ൾ​ ​നി​ർ​മ്മി​ക്കാ​ൻ​ ​വ്യ​വ​സാ​യ​ ​പാ​ർ​ക്ക് ​തു​ട​ങ്ങി​യ​ ​പ​ദ്ധ​തി​ക​ളും​ ​ന​ട​പ്പാ​ക്കും.
അ​ഞ്ചു​ ​വ​ർ​ഷം​കൊ​ണ്ട് ​പൂ​ർ​ത്തി​യാ​ക്കും.​ ​കി​ഴ​ക്ക്,​ ​വ​ട​ക്ക് ​ഗോ​പു​ര​ങ്ങ​ളാ​ണ് ​ആ​ദ്യം​ ​നി​ർ​മ്മി​ക്കു​ക.​ ​ക്ഷേ​ത്രം​ ​സ്വ​ർ​ണ​പാ​ളി​ക​ൾ​ ​കൊ​ണ്ട് ​പൊ​തി​യും.
ലാ​ഭ​ത്തി​ന്റെ​ ​വി​ഹി​തം​ ​ചോ​റ്റാ​നി​ക്ക​ര​യു​ടെ​ ​വി​ക​സ​ന​ത്തി​ന് ​ന​ൽ​കു​ക​യാ​ണ്.​ ​ത​ന്റെ​ ​ജീ​വി​തം​ ​മാ​റ്റി​മ​റി​ച്ച​ത് ​ചോ​റ്റാ​നി​ക്ക​ര​ ​അ​മ്മ​യാ​ണെ​ന്ന് ​അ​ദ്ദേ​ഹം​ ​പ​റ​ഞ്ഞു.