കാലടി: മൂന്നുപതിറ്റാണ്ടായി പൊതുരംഗത്തെ സജീവസാന്നിദ്ധ്യമായ ടി.എസ്. ബൈജുവിനെ

കളത്തിലിറക്കി പൊരുതുകയാണ് എൻ.ഡി.എ മുന്നണി. ജില്ലാ പഞ്ചായത്ത് കാലടി ഡിവിഷനിൽ ബി.ഡി.ജെ.എസ് പ്രതിനിധിയായാണ് ബൈജു മത്സരിക്കുന്നത്.

എ.ബി.വി.പിയിലൂടെ പൊതു പ്രവർത്തനത്തിന് തുടക്കം. ആർ.എസ്.എസ്.മണ്ഡൽകാര്യ വാഹക്, യുവമോർച്ച മണ്ഡലം പ്രസിഡന്റ് തുടങ്ങി ഒട്ടേറെ സ്ഥാനങ്ങൾ വഹിച്ചിട്ടുണ്ട്. നീലീശ്വരം എസ്.എൻ.ഡി.പി ശാഖായോഗം സെക്രട്ടറിയായും കുന്നത്തുനാട് യൂണിയൻ കൗൺസിലറായും പ്രവർത്തിച്ചിട്ടുണ്ട്. നിലവിൽ ബി.ഡി.ജെ.എസ് ജില്ലാ വൈസ് പ്രസിഡന്റാണ്. മുണ്ടങ്ങാമറ്റം അയ്യപ്പസേവാ ചാരിറ്റബിൾ സൊ സെറ്റി രൂപീകരിച്ച് പത്തുനാൾ നീണ്ടുനിൽക്കുന്ന ദേശമഹോത്സവം നടത്തി ശ്രദ്ധപിടിച്ചുപറ്റിയിരുന്നു.

ശ്രീനാരായണ ഗുരുദേവ പഞ്ചലോഹവിഗ്രഹവും ശിവകുടുംബക്ഷേത്രവും നീലീശ്വരം മുണ്ടങ്ങാമറ്റത്ത് സ്ഥാപിച്ചതിൽ മുഖ്യപങ്ക് വഹിച്ചത് ബൈജുവാണ്. ഭാര്യ രാജിയും മക്കളായ സത്യജിത്തും ആരാധ്യയുമടങ്ങുന്നതാണ് കുടുംബം.