തൃക്കാക്കര : പ്രചരണവും വോട്ടുപിടിത്തവുമായി ഒരുവശത്ത് മുന്നണികൾ. മറുവശത്ത് തിരഞ്ഞെടുപ്പ് ഭംഗിയായി പൂർത്തിയാക്കാനുള്ള കഠിന പ്രക്നത്തിൽ ജില്ലാ ഭരണകൂടം. വോട്ടർ പട്ടികയിൽ പേര് ചേർക്കലും വോട്ടിംഗ് മെഷീനൻ സജ്ജമാക്കിയതിനും പിന്നാലെ ജില്ലയിലെ ആകെ പോളിംഗ് ബൂത്തുകളുടെ എണ്ണവും ജില്ലാഭരണകൂടം തയ്യാക്കി കഴിഞ്ഞു. ജില്ലയിൽ 3132 പോളിംഗ് ബൂത്തുകളാണ് ഉണ്ടായിരിക്കുക. ഗ്രാമപഞ്ചായത്തുകളിൽ 2366 പോളിംഗ് ബൂത്തുകളും മുനിസിപ്പാലിറ്റികളിൽ 439 പോളിംഗ് ബൂത്തുകളും കോർപറേഷനിൽ 327 പോളിംഗ് ബൂത്തുകളുമാണ് സജ്ജീകരിക്കുക. ജില്ലയിലെ 1833 വാർഡുകളിലാണ് പോളിംഗ് ബൂത്തുകൾ സജ്ജമാക്കുന്നത്.

വൈപ്പിൻ ബ്ലോക്കിലെ പള്ളിപ്പുറം ഗ്രാമപഞ്ചായത്തിലാണ് ഏറ്റവും കൂടുതൽ പോളിംഗ് ബൂത്തുകളുള്ളത്. 23 വാർഡുകളിലേക്കായി 47 പോളിംഗ് ബൂത്തുകളാണ് ഇവിടെയുള്ളത്. വെങ്ങോല പഞ്ചായത്തിൽ 46 പോളിംഗ് ബൂത്തുകളിൽ വോട്ടെടുപ്പ് നടക്കും. കീരംപാറ, പോത്താനിക്കാട്, പല്ലാരിമംഗലം , മാറാടി പഞ്ചായത്തുകളിൽ 13 വീതം പോളിംഗ് ബൂത്തുകളാണുള്ളത്. ഏറ്റവും കുറവ് പോളിംഗ് ബൂത്തുകളുള്ള പഞ്ചായത്തുകളും ഇവയാണ്. ഏറ്റവും കൂടുതൽ പോളിംഗ് ബൂത്തുകളുള്ള മുനിസിപ്പാലിറ്റി തൃപ്പൂണിത്തുറയാണ്. 53 എണ്ണം. കുറവ് പോളിംഗ് ബൂത്തുകളുള്ള മുനിസിപ്പാലിറ്റി കൂത്താട്ടുകുളം. 25 വാർഡുകളിലേക്കായി 25 പോളിംഗ് ബൂത്തുകൾ ഇവിടെയുണ്ട്.

പറവൂർ ബ്ലോക്ക് - 181

ആലങ്ങാട് ബ്ലോക്ക് -153

അങ്കമാലി ബ്ലോക്ക് -206

കൂവപ്പടി ബ്ലോക്ക്- 183

വാഴക്കുളം ബ്ലോക്ക് -238

ഇടപ്പള്ളി ബ്ലോക്ക്-116

വൈപ്പിൽ ബ്ലോക്ക് -133

പള്ളുരുത്തി ബ്ലോക്ക് -111

മുളന്തുരുത്തി ബ്ലോക്ക്-167

വടവുകോട് ബ്ലോക്ക്-186

കോതമംഗലം ബ്ലോക്ക്- 224

പാമ്പാക്കുട ബ്ലോക്ക്- 95

പാറക്കടവ് ബ്ലോക്ക്- 198

മുവാറ്റുപുഴ ബ്ലോക്ക്- 175