കൊച്ചി: തദ്ദേശ സ്ഥാപന തിരഞ്ഞെടുപ്പ് നീതിപൂർവവും നിഷ്പക്ഷവുമായി നടത്തുന്നതിന് സംസ്ഥാന തിരഞ്ഞെടുപ്പ് കമ്മിഷൻ ആറു നിരീക്ഷകരെ നിയമിച്ചു. പൊതുനിരീക്ഷകനായി തദ്ദേശസ്വയംഭരണ വകുപ്പ് ഡെപ്യൂട്ടി സെക്രട്ടറി സി.വി. സാജനെയും നിയമിച്ചു.

തദ്ദേശസ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പിൽ രാഷ്ട്രീയ പാർട്ടികളുടെയും സ്ഥാനാർത്ഥികളുടെയും ചെലവ് നിരീക്ഷിക്കാൻ പ്രത്യേക നിരീക്ഷകരെയും ചുമതലപ്പെടുത്തി. ജില്ലയിലെ ബ്ലോക്ക് പഞ്ചായത്തുകളിലേക്കും മുനിസിപ്പാലിറ്റികളിലേക്കുമാണ് നിരീക്ഷകരെ നിയമിച്ചത്.
ജില്ലാ ഓഡിറ്റ് ഓഫീസ് ജോയിന്റ് ഡയറക്ടർ കെ.ജി. മിനിമോൾ, ധനകാര്യ വകുപ്പ് ജോയിന്റ് സെക്രട്ടറി ജി. ശ്രീനി, ജില്ലാ ഓഡിറ്റ് ഓഫീസർ എം.എസ്. ഷൈല, സംസ്ഥാന ഓഡിറ്റ് ഡയറക്ടറേറ്റ് ജോയിന്റ് ഡയറക്ടർ എ. ജമാലുദ്ദീൻ, ധനകാര്യ വകുപ്പ് ഡെപ്യൂട്ടി സെക്രട്ടറി ഗിരീഷ് പറക്കാട്ട്, കേരള യൂണിവേഴ്‌സിറ്റി ഒഫ് ഫിഷറീസ് ആൻഡ് ഓഷ്യൻ സ്റ്റഡീസ് ജോയിന്റ് ഡയറക്ടർ ധന്യ ബാലകൃഷ്ണൻ എന്നിവരെയാണ് നിയമിച്ചത്.

ചുമതലയുള്ള ബ്ലോക്കുകൾ, മുനിസിപ്പാലിറ്റികൾ
1. മിനിമോൾ കെ.ജി. പറവൂർ, നോർത്ത് പറവൂർ മുനിസിപ്പാലിറ്റി, ആലങ്ങാട്, തൃപ്പൂണിത്തുറ മുനിസിപ്പാലിറ്റി, ഏലൂർ മുനിസിപ്പാലിറ്റി
2. ജി. ശ്രീനി അങ്കമാലി, അങ്കമാലി മുനിസിപ്പാലിറ്റി, ആലുവ മുനിസിപ്പാലിറ്റി, കൂവപ്പടി, വാഴക്കുളം, ഇടപ്പള്ളി
3. എം.എസ്. ഷൈല പെരുമ്പാവൂർ മുനിസിപ്പാലിറ്റി, വൈപ്പിൻ, പള്ളുരുത്തി, മുളന്തുരുത്തി, മരട് മുനിസിപ്പാലിറ്റി
4. എ. ജമാലുദ്ദീൻ വടവുകോട്, കോതമംഗലം, കോതമംഗലം മുനിസിപ്പാലിറ്റി, കൂത്താട്ടുകുളം മുനിസിപ്പാലിറ്റി, പാമ്പാക്കുട
5. ഗിരീഷ് പറക്കാട്ട്. പാറക്കടവ്, മൂവാറ്റുപുഴ, പിറവം മുനിസിപ്പാലിറ്റി, മൂവാറ്റുപുഴ മുനിസിപ്പാലിറ്റി
6. ധന്യ ബാലകൃഷ്ണൻ കൊച്ചി കോർപ്പറേഷൻ, കളമശേരി മുനിസിപ്പാലിറ്റി, തൃക്കാക്കര മുനിസിപ്പാലിറ്റി

നാമനിർദേശ പത്രിക പിൻവലിക്കാനുള്ള അവസാന തീയതിയായ 23 മുതൽ തിരഞ്ഞെടുപ്പ് ഫലം പ്രഖ്യാപിക്കുന്ന ഡിസംബർ 16 വരെയാണ് നിയമനം.