കൊച്ചി : കേരള ഗ്രാമീൺ ബാങ്ക് 15 വർഷം വരെ തിരിച്ചടവ് കാലാവധിയും ആകർഷകമായ പലിശ നിരക്കുമുള്ള വ്യക്തിഗത വായ്പാ പദ്ധതികൾ പ്രഖ്യാപിച്ചു. ഗ്രാമീൺ ഈസി ലോൺ എന്ന വായ്പ ശമ്പളക്കാർക്കും ബിസിനസുകാർക്കും കർഷകർക്കും വിദേശ ഇന്ത്യക്കാർക്കും മറ്റുവരുമാനക്കാർക്കും ലഭിക്കും. ഭൂമി പണയത്തിന്മേൽ 5 ലക്ഷം രൂപ വരെ വായ്പ ലഭിക്കും. പ്രതിമാസ ഗഡു ഒരു ലക്ഷത്തിന് 1105 രൂപ നിരക്കിലാണ്. ബാങ്കിന്റെ ഏതു ശാഖയിലും വായ്പ ലഭ്യമാണെന്ന് കേരള ഗ്രാമീൺ ബാങ്കിന്റെ എറണാകുളം റീജിയണൽ മാനേജർ കെ. ഹരീന്ദ്രൻ അറിയിച്ചു.