17,265 നാമനിർദേശ പത്രികകൾ

കൊച്ചി:തദ്ദേശ സ്ഥാപങ്ങളിലേക്കുള്ള തിരഞ്ഞെടുപ്പിൽ മത്സരിക്കാൻ ലഭിച്ചത് 17,265 നാമനിർദേശ പത്രികകൾ. ജില്ലാ പഞ്ചായത്തിലേക്ക് 253 ഉം കൊച്ചി കോർപറേഷനിലേക്ക് 835 ഉം പത്രികകൾ ലഭിച്ചു. 13 മുനിസിപ്പാലിറ്റികളിൽ 3,586 പത്രികകളാണ് സമർപ്പിച്ചത്. ബ്ലോക്ക് പഞ്ചായത്തിൽ 1,405 ഉം ഗ്രാമ പഞ്ചായത്തുകളിൽ 11,186 ഉം നാമനിർദേശപത്രികൾ ലഭിച്ചു.

അവസാന ദിവസമായ ഇന്നലെ 4,580 പത്രികകൾ ലഭിച്ചു. ജില്ലാ പഞ്ചായത്തിലേക്ക് 95 സ്ഥാനാർഥികൾ അവസാനദിവസം പത്രിക സമർപ്പിച്ചു. ജില്ലാ പഞ്ചായത്തിലേക്കുള്ള പത്രികകളുടെ സൂക്ഷ്മ പരിശോധന ഇന്ന് രാവിലെ 11 മുതൽ കളക്ടറേറ്റ് കോൺഫറൻസ് ഹാളിൽ നടക്കും. 23 നാണ് പത്രിക പിൻവലിക്കാനുള്ള അവസാന സമയം.