കൊച്ചി: എറണാകുളം എസ്.ആർ.വി സ്‌കൂളിന്റെ 175-ാം വാർഷികാഘോഷത്തിന്റെ ഭാഗമായി പൂർവവിദ്യാർത്ഥികൾ സംഘടിപ്പിക്കുന്ന ആഗോളസംഗമത്തിന്റെ ഫണ്ട് ശേഖരണവും രജിസ്‌ട്രേഷനും ആരംഭിച്ചു. സംവിധായകൻ അമൽ നീരദ് തിരക്കഥാകൃത്ത് എസ്.എൻ. സ്വാമിക്ക് രജിസ്‌ട്രേഷൻ പത്രിക നൽകി ഉദ്ഘാടനം നിർവഹിച്ചു. ഡിസംബർ 20, 21, 22 തീയതികളിലാണ് ആഗോളസംഗമം
പൂർവവിദ്യാർത്ഥി സംഘടനാ പ്രസിഡന്റ് ഡോ.എ.കെ. സഭാപതി, സെക്രട്ടറി എം.പി. ശശിധരൻ, ട്രഷറർ ആർ. വിശ്വനാഥൻ, ഗ്ലോബൽ മീറ്റ് 2020 ചെയർമാൻ പ്രൊഫ. ബി.ആർ. അജിത്, വൈസ് ചെയർമാൻ ആബിദ് അബു, മുൻ പ്രിൻസിപ്പാൾ കെ.വി.അഗസ്റ്റിൻ, ഫുട്‌ബോൾതാരം സി.സി. ജേക്കബ് തുടങ്ങിയവർ പ്രസംഗിച്ചു.