കോലഞ്ചേരി: ഭക്ഷ്യവിളകൾക്ക് തറവില ലഭിക്കാൻ കർഷകർ അപേക്ഷ നൽകണം. മരച്ചീനി, ഏത്തക്കായ, കൈതച്ചക്ക, കുമ്പളം, വെള്ളരി, പാവൽ, പടവലം, വള്ളിപ്പയർ, തക്കാളി, വെണ്ട എന്നിങ്ങനെ തിരഞ്ഞെടുത്ത 16 ഇനം പച്ചക്കറികൾക്കാണ് തറവില ലഭിക്കുന്നത്. ഇവ ഉത്പാദിപ്പിച്ച് അംഗീകൃത മാർക്ക​റ്റുകളിൽ വി​റ്റഴിക്കുമ്പോൾ കർഷകർക്ക് തറവിലയേക്കാൾ വില കുറയുന്ന സാഹചര്യമുണ്ടായാൽ തറവില പ്രകാരം ആനുകൂല്യം ലഭിക്കും. അക്ഷയ കേന്ദ്രം വഴി കൃഷിയുടെ വിവരങ്ങൾ രജിസ്​റ്റർ ചെയ്യണം. അപേക്ഷിക്കാത്തവർക്ക് തറവിലയുമായി ബന്ധപ്പെട്ട ആനുകുല്യങ്ങൾ ലഭിക്കില്ല. മാർക്ക​റ്റിൽ ഉത്പന്നങ്ങൾ വില്ക്കുവാൻ ഉദ്ദേശിച്ച് കൃഷി ചെയുന്ന മുഴുവൻ കർഷകരും കരം തീർത്ത രസീത്, ബാങ്ക് പാസ് ബുക്ക്, ആധാർ കാർഡ് എന്നിവ നൽകി രജിസ്റ്റർ ചെയ്യണം.