ഇടുക്കി :ജില്ലാ പഞ്ചായത്തിന്റെ നേതൃത്വത്തിൽ ജില്ലാ സാക്ഷരതാ മിഷൻ മുഖേന കഴിഞ്ഞ നാല് വർഷങ്ങളിൽ ജില്ലയിൽ നടപ്പിലാക്കിയ സാക്ഷരത, തുടർവിദ്യാഭ്യാസ പ്രവർത്തനങ്ങളുടെ സമഗ്രമായ റിപ്പോർട്ട് പ്രകാശനം ചെയ്തു. ജില്ലാ പഞ്ചായത്ത് പ്രസിഡന്റ് കൊച്ചുത്രേസ്യ പൗലോസ് , വൈസ് പ്രസിഡന്റ് മാത്യു ജോണിന് റിപ്പോർട്ട് നൽകി പ്രകാശനം നിർവഹിച്ചു. സാക്ഷരത, തുല്യത പദ്ധതികൾക്കു പുറമെ പട്ടികജാതി, പട്ടിക വർഗ്ഗ കോളനികളിൽ നടപ്പിലാക്കിയ നവചേതന, സമഗ്ര പദ്ധതികൾ അന്യ സംസ്ഥാന തൊഴിലാളികളെ സാക്ഷരരാക്കുന്നതിന് വേണ്ടി നടപ്പിലാക്കിയ ചങ്ങാതി പദ്ധതി, ഭരണഘടന സാക്ഷരതാ പദ്ധതി, പുരാരേഖ സർവേ, പരിസ്ഥിതി സംരക്ഷണ പരിപാടികൾ എന്നിവ കഴിഞ്ഞ നാല് വർഷങ്ങളിൽ ജില്ലയിൽ നടന്ന നൂതന പദ്ധതികളാണ്.