തൊടുപുഴ: കേരള ലോട്ടറി തൊഴിലാളി ബോർഡിൽ അംഗങ്ങളായുള്ളവരുടെ മക്കൾക്ക് വിദ്യാഭ്യാസ അവാർഡിനും സ്‌കോളർഷിപ്പിനും അപേക്ഷിക്കാൻ അവസരം.സ്റ്റേറ്റ്, സി.ബി.എസ്.സി. സിലബസുകളിലെ 10, 12 ക്‌ളാസുകളിൽ നിന്നും, ടി.എച്ച്.എസ്.എൽ.സി, വി.എച്ച്.എസ്.സി എന്നീ ക്ലാസുകളിൽ നിന്നും 2020 ൽ വിജയിച്ചവർക്കാണ് ജില്ലാ തലത്തിൽ 1, 2, 3 എന്നീ സ്ഥാനങ്ങളിലായി പ്രത്യേകം പ്രത്യേകം അവാർഡുകൾ നൽകുന്നത്. ഡിപ്‌ളോമ മുതൽ ബിരുദാനന്തര ബിരുദം വരെയുള്ള കോഴ്‌സുകളിൽ പഠിക്കുന്ന മുഴുവൻ കുട്ടികൾക്കും കോഴ്‌സ് കാലയളവിൽ ഒറ്റത്തവണ സ്‌കോളർഷിപ്പ് ലഭിക്കും. 3000 രൂപ മുതൽ 25000രൂപ വരെയാണ് സ്‌കോളർഷിപ്പ്. വിദ്യാഭ്യാസ അവാർഡിനും സ്‌കോളർഷിപ്പിനുമുളള അപേക്ഷകൾ അനുബന്ധ സർട്ടിഫിക്കറ്റുകൾ സഹിതം ഡിസംബർ 10 നകം തൊടുപുഴ ജില്ലാ ലോട്ടറി ക്ഷേമനിധി ഓഫീസിൽ സമർപ്പിക്കേണ്ടതാണെന്ന് ജില്ലാ ലോട്ടറി ക്ഷേമനിധി ഓഫീസർ അറിയിച്ചു.