ചെറുതോണി: 1964ലെ ഭൂപതിവ് ചട്ടങ്ങൾ ഭേദഗതി ചെയ്യണമെന്നാവശ്യപ്പെട്ട് വ്യാപാരി വ്യവസായി ഏകോപന സമിതി ഇടുക്കി ബ്ലോക്ക് കമ്മിറ്റിയുടെ നേതൃത്വത്തിൽ ഉപവാസസമരം നടത്തി . തടിയമ്പാട് ടൗണിൽ നടന്ന ഉപവാസ സമരം ജില്ലാ പ്രസിഡന്റ് കെ എൻ ദിവാകരൻ ഉദ്ഘാടനം ചെയ്തു. . ജില്ലയിലെ വാണിജ്യാവശ്യങ്ങൾക്കുള്ള മുഴുവൻ നിർമ്മാണങ്ങളും നിരോധനം ഏർപ്പെടുത്തിക്കൊണ്ട് നിലവിലുള്ളവ പിടിച്ചെടുത്ത് പാട്ടത്തിൽ നൽകുമെന്നും പ്രഖ്യാപിച്ചു 2019 നവംബർ 22ന് ഇറക്കിയ ഉത്തരവ് ജില്ലയിലെ സമസ്ത ജനവിഭാഗങ്ങളെയും ദോഷകരമായി ബാധിക്കുന്ന സാഹചര്യത്തിലാണ് ഉപവാസ സമരം സംഘടിപ്പിച്ചത്.
ബ്ലോക്ക് പ്രസിഡന്റ് പ്രസിഡണ്ട് ഷാജി കണ്ടച്ചാലിൽ അദ്ധ്യക്ഷത വഹിച്ചു. സെക്രട്ടറി സി കെ രാജു , ട്രഷറർ പി പി ഡൊമനിക്ക് ചെറുതോണി യൂണിറ്റ് പ്രസിഡന്റ് ജോസ് കുഴി കണ്ടം, കെ എൻ മുരളി, കെ എ ജോൺ. കുത്തനാപ്പള്ളി, ജില്ലാ ജനറൽ സെക്രട്ടറി കെ പി ഹസൻ , കുമളി ബ്ലോക്ക് പ്രസിഡന്റ് മജോ കരിമുട്ടം, വി പി ജോയ് , രാജാക്കാട് യൂണിറ്റ് പ്രസിഡന്റ് പി കെ മാത്യു, ജെയിംസ് മാത്യു തുടങ്ങിയവർ പ്രസംഗിച്ചു.