വെള്ളത്തൂവൽ: രാത്രി കാലങ്ങളിൽ വെള്ളത്തൂവൽ ടൗണിൽ പ്രകാശം ചൊരിഞ്ഞിരുന്ന ഹൈമാക്സ് ലൈറ്റ് നിശ്ചലമായതോടെ ടൗൺ ഇരുട്ടിലായി. ടൗണിന്റെ ഹൃദയഭാഗത്ത് സ്ഥാപിച്ചിരുന്ന ലൈറ്റ് തെളിയാതായിട്ട് ആഴ്ചകൾ
പലതു കഴിഞ്ഞു. വ്യാപാരികളും നാട്ടുകാരും അധികൃതരുടെ ശ്രദ്ധയിൽപ്പെടുത്തിയിട്ടും ഇതുവരെ നടപടി ഉണ്ടായിട്ടില്ല. പഞ്ചായത്ത് ആഫീസ്,​ ബാങ്കുകൾ,​ ആട്ടോസ്റ്റാന്റ്,​ വ്യാപാര സ്ഥാപനങ്ങൾ എന്നിവയെല്ലാം ഇരുട്ടിലായതിനാൽ രാത്രി കാലങ്ങളിൽ ഇതു വഴി നടന്നു പോകാൻ പോലും കഴിയാത്ത അവസ്ഥയാണെന്ന് പ്രദേശവാസികൾ പറയുന്നു.