ഇടുക്കി: തദ്ദേശ തിരഞ്ഞെടുപ്പുമായി ബന്ധപ്പെട്ട പ്രചരണ പ്രവർത്തനങ്ങളിൽ കൊവിഡ് പ്രതിരോധവും മാർഗനിർദേശങ്ങളും സംബന്ധിച്ച ബോധവത്കരണം നൽകാനും അവ പാലിക്കുന്നെന്ന് ഉറപ്പുവരുത്താനും ആരോഗ്യവകുപ്പിന്റെ പ്രത്യേക സെല്ലുകൾ പ്രവർത്തനമാരംഭിച്ചു. ജില്ലയിൽ എല്ലായിടത്തും നിരീക്ഷണങ്ങളും പരിശോധനകളും നടത്തും. ഡെപ്യൂട്ടി ജില്ലാ മെഡിക്കൽ ആഫീസർ ഡോ പി.എൻ. അജിയ്ക്കാണ് ജില്ലാതല സെല്ലിന്റെ ചുമതല. അഡ്മിനിസ്ട്രേറ്റീവ് അസിസ്റ്റന്റ് നന്ദിനി കെ. നായർ, മാസ് മീഡിയ ആഫീസർ അനിൽ കുമാർ ആർ, സെക്ഷൻ സൂപ്രണ്ടന്റ് നിമ ടി.പി, സെക്ഷൻ ക്ലർക് ഫൈസൽ സെയ്തു എന്നിവരാണ് മറ്റംഗങ്ങൾ.