തൊടുപുഴ: ത്രിതല പഞ്ചായത്ത് തെരഞ്ഞെടുപ്പിൽ മത്സരിക്കുന്ന ഐക്യജനാധിപത്യ മുന്നണി സ്ഥാനാർത്ഥികളുടെ തെരഞ്ഞെടുപ്പ് പ്രചരണാർത്ഥം മുൻ മുഖ്യമന്ത്രി ഉമ്മൻചാണ്ടി ഞായറാഴ്ച്ച ജില്ലയിൽ പര്യടനം നടത്തും. രാവിലെ 11 മണിക്ക് പൂമാല, ഉച്ചക്ക് 12-30-ന് രാജമുടി, 1.30-ന് തങ്കമണി, 2.30-ന് തൂക്കുപാലം, 3.30-ന് ചക്കുപ്പള്ളം, 4.30-ന് വണ്ടിപ്പെരിയാർ, 5.30-ന് ഏലപ്പാറ, 6.30-ന് പെരുവന്താനം എന്നീ ക്രമത്തിൽ കുടുംബ യോഗങ്ങളിൽ പങ്കെടുക്കും. യോഗങ്ങളിൽ കൊവിഡ് പ്രോട്ടോക്കോൾ കർശനമയും പാലിക്കണമെന്ന് യു ഡി എഫ് ജില്ലാ ചെയർമാൻ അഡ്വ. എസ് .അശോകനും കൺവീനർ പ്രൊഫ. എം ജെ ജേക്കബ്ബും അഭ്യർത്ഥിച്ചു.