തൊടുപുഴ:ആഘോഷങ്ങളുടെ ദിനരാത്രങ്ങൾ കടന്ന് വരുന്ന ക്രിസ്മസും നവവത്സരവും കൊഴുപ്പിക്കാൻ വ്യാജ മദ്യലോബികൾ എക്കാലത്തും സജീവമാണ്. ഇതിന് മുന്നോടിയായി ത്രിതലതിരഞ്ഞെടുപ്പ് കൂടി വരുമ്പോൾ അതിർത്തി കടന്ന് മദ്യത്തിന്റെ ഒഴുക്ക് തന്നെയുണ്ടാകുമെന്നാണ് എക്സൈസ് കരുതുന്നത്. അതിർത്തിക്കപ്പുറത്ത്നിന്നും എത്തുന്നത് കണ്ടെത്തുന്നതിനൊപ്പം കുടിൽവ്യവസായം പോലെ ചിലർ വ്യാജമദ്യം നിർമ്മിക്കുന്നതും ഏറെ അപകടം ക്ഷണിച്ചുവരുത്തുമെന്ന ആശങ്കയ്ക്ക് ഫലപ്രദമായ മുൻകരുതൽ നടത്തുകയാണ് എക്സൈസ്. ഇക്കാലയളവിൽ മദ്യ-മയക്കുമരുന്ന് കുറ്റകൃത്യങ്ങൾ നേരിടുന്നതിനായി ജില്ലയിലെ എൻഫോഴ്‌സ്‌മെന്റ് പ്രവർത്തനം ശക്തിപ്പെടുത്തിക്കൊണ്ട് ഇടുക്കി എക്സൈസ് ഡിവിഷൻ ഓഫീസിൽ 24 മണിക്കൂറും പ്രവർത്തിക്കുന്ന കൺട്രോൾ റൂം ആരംഭിച്ചു. മദ്യം, മയക്കുമരുന്ന് മറ്റ് ലഹരിവസ്തുക്കളുടെ കടത്ത്, ശേഖരണം, ഉപഭോഗം എന്നിവ തടയുന്നതിനായി പൊതുജനങ്ങൾ, ജനപ്രിനിധികൾ, കുടുംബശ്രീ യൂണിറ്റുകൾ, റസിഡൻസ് അസോസിയേഷനുകൾ, വനിതാ സംഘടനകൾ, ഇതര വകുപ്പുകൾ എന്നിവരുടെ സഹകരണവും എക്സൈസ് തേടിയിട്ടുണ്ട്. വ്യാജമദ്യ -മയക്ക് മരുന്നുകളെക്കുറിച്ച് ലഭിക്കുന്ന വിവരങ്ങൾ ഉടൻ തന്നെ തൊടുപുഴയിൽ പ്രവർത്തിക്കുന്ന എക്സൈസ് വകുപ്പിന്റെ ഡിവിഷണൽ കൺട്രോൾ റൂമിൽ ട്രോൾ ഫ്രീ നമ്പർ ഉൾപ്പെടെയുള്ള നമ്പറുകളിൽ വിവരം അറിയിക്കാനും സൗകര്യമൊരുക്കി. ലഭിക്കുന്ന വിവരങ്ങളിൽ അടിയന്തിര നടപടികൾ സ്വീകരിക്കുന്നതിന് സർക്കിൾ തലത്തിൽ 24 മണിക്കൂറും പ്രവർത്തിക്കുന്ന സ്‌ട്രൈക്കിംഗ് ഫോഴ്‌സ് ടീമിനെ നിയമിച്ചു. ഉപഭോക്താക്കൾക്ക് മദ്യലഭ്യത കുറയുമ്പോൾ വ്യാജ മദ്യം സുലഭമായി ഒഴുകുമെന്ന തിരിച്ചറിവിൽ ജില്ലാ തല ആവശ്യത്തിനുള്ള മദ്യം മുൻകൂർ കരുതാൻ ബിവറേജസ് കോർപ്പറേഷൻ അധികൃതരോട് എക്സൈസ് നിർദ്ദേശം നൽകിയിട്ടുണ്ട്.
വിവരങ്ങൾ അറിയിക്കാനുള്ള നമ്പരുകൾ
ഡെപ്യൂട്ടി എക്സൈസ് കമ്മീഷണർ, ഇടുക്കി, തൊടുപുഴ 04862222493 9447178058
ജില്ലാതല എക്സൈസ് കൺട്രോൾ റൂം - ട്രോൾ ഫ്രീ നമ്പർ 18004253415
ഹോട്ട് ലൈൻ നമ്പർ 155358
അസി. എക്സൈസ് കമ്മീഷണർ, ഇടുക്കി 04862232469 9496002866
ജില്ലയിലെ മറ്റ് എക്സൈസ് ഓഫീസുകളുടെ ഫോൺ നമ്പറുകൾ
സ്‌പെഷ്യൽ സ്‌ക്വാഡ് ഇടുക്കി 04862232469 9400069532
നാർക്കോട്ടിക് എൻഫോഴ്‌സ്‌മെന്റ് സ്‌ക്വാഡ്, അടിമാലി 04864225782 9400069534
എക്സൈസ് സർക്കിൾ ഓഫീസ് തൊടുപുഴ 04862223147 9400069530
,പീരുമേട് 04869232018 9400069526
, മൂന്നാർ 04864278356 9400069524
, ഉടുമ്പൻചോല 04868233247 9400069528
, ഇടുക്കി 04868275567 9447868601
എക്സൈസ് റെയിഞ്ച് ഓഫീസ്, തൊടുപുഴ 04862228544 9400069544
, മൂലമറ്റം 04862 276566 9400069543
, ദേവികുളം 04865230806 9400069536
കട്ടപ്പന 04868274465 9400069540
വണ്ടിപ്പെരിയാർ 04869253173 9400069541
ഉടുമ്പൻചോല 04868234280 9400069539
പീരുമേട് 04869233028 9400069545
അടിമാലി 04864225118 9400069538
തങ്കമണി 04868275968 9400069542
മറയൂർ 04865252526 9400069537
എക്സൈസ് ചെക്ക് പോസ്റ്റ് കുമിളി 04869223458 9400069546
ബോഡിമേട്ട് 04868220350 9496499360
കമ്പംമെട്ട് 04868279102 9400069548
കുപ്പി സൂക്ഷിക്കണേ...
ലൈസൻസ് സ്ഥാപനങ്ങളിൽ നിന്നല്ലാതെ ആരും മദ്യം വാങ്ങി ഉപയോഗിക്കരുത്.കീടനാശിനിയും മറ്റും വരുന്ന കുപ്പികളിൽ മദ്യം പകർന്ന് വാങ്ങി ഉപയോഗിക്കുന്നത് ഗൗരവകരമായ ആരോഗ്യപ്രശ്‌നങ്ങൾ ഉണ്ടാക്കും