രോഗമുക്തി 557 പേർക്ക്

കണ്ണൂർ: ജില്ലയിൽ ഞായറാഴ്ച 306 പേർക്ക് കൊവിഡ് 19 സ്ഥിരീകരിച്ചു. 292 പേർക്ക് സമ്പർക്കം മൂലമാണ് രോഗബാധ. ഒരാൾ വിദേശത്തു നിന്നും അഞ്ച് പേർ ഇതര സംസ്ഥാനങ്ങളിൽ നിന്ന് എത്തിയവരും 8 പേർ ആരോഗ്യ പ്രവർത്തകരുമാണ്.

ഇതോടെ ജില്ലയിൽ റിപ്പോർട്ട് ചെയ്യപ്പെട്ട കൊവിഡ് പോസിറ്റീവ് കേസുകൾ 25,093 ആയി. ഇവരിൽ 557 പേർ ഇന്ന് രോഗമുക്തി നേടി. അതോടെ ഇതിനകം രോഗം ഭേദമായവരുടെ എണ്ണം 19,795 ആയി. 105 പേർ കൊവിഡ് മൂലം മരണപ്പെട്ടു. ബാക്കി 4738 പേർ ചികിൽസയിലാണ്.ഇതിൽ 3898 പേർ വീടുകളിലും ബാക്കി 840 പേർ വിവിധ ആശുപത്രികളിലും സി.എഫ്.എൽ.ടി.സികളിലുമാണ് ചികിത്സയിൽ കഴിയുന്നത്.
ജില്ലയിൽ നിലവിൽ നിരീക്ഷണത്തിലുള്ളത് 19,921 പേരാണ്. ഇതിൽ 18,964 പേർ വീടുകളിലും 957 പേർ ആശുപത്രികളിലുമാണ്. ഇതുവരെ 2,14,112 സാമ്പിളുകൾ പരിശോധനയ്ക്ക് അയച്ചതിൽ 2,13,875 എണ്ണത്തിന്റെ ഫലം വന്നു. 237 എണ്ണത്തിന്റെ ഫലം ലഭിക്കാനുണ്ട്.