170 പേർക്ക് രോഗമുക്തി

കാസർകോട്: ജില്ലയിൽ ഞായറാഴ്ച 143 പേർക്ക് കൂടി കോവിഡ് 19 സ്ഥിരീകരിച്ചു. സമ്പർക്കത്തിലൂടെ 133 പേർക്കും ഇതരസംസ്ഥാനത്ത് നിന്നെത്തിയ ആറ് പേർക്കും വിദേശത്ത് നിന്നെത്തിയ നാല് പേർക്കുമാണ് രോഗം സ്ഥിരീകരിച്ചത്. ചികിത്സയിലുണ്ടായിരുന്ന 170 പേർക്ക് കൊവിഡ് നെഗറ്റീവായി.

18,783 പേർക്കാണ് ജില്ലയിൽ ഇതുവരെ കൊവിഡ് സ്ഥിരീകരിച്ചത്. 16,908 പേർക്ക് ഇതുവരെ കൊവിഡ് നെഗറ്റീവായി. നിലവിൽ 1683 പേരാണ് ചികിത്സയിലുള്ളത്.

വീടുകളിൽ 4079 പേരും സ്ഥാപനങ്ങളിൽ 600 പേരുമുൾപ്പെടെ ജില്ലയിൽ ആകെ നിരീക്ഷണത്തിലുള്ളത് 4679 പേരാണ്. പുതിയതായി 527 പേരെ കൂടി നിരീക്ഷണത്തിലാക്കി. സെന്റിനൽ സർവ്വേ അടക്കം പുതിയതായി 903 സാമ്പിളുകൾ കൂടി പരിശോധനയ്ക്ക് അയച്ചു. ഇതോടെ ഇതുവരെ പരിശോധിച്ച സാമ്പിളുകളുടെ എണ്ണം 1,30,636 ആയി. 219 പേരുടെ പരിശോധനാ ഫലം ലഭിക്കാനുണ്ട്.