143 പേർക്ക് രോഗമുക്തി

കാസർകോട്: ജില്ലയിൽ തിങ്കളാഴ്ച 58 പേർക്ക് കൂടി കൊവിഡ് 19 സ്ഥിരീകരിച്ചു. സമ്പർക്കത്തിലൂടെ 56 പേർക്കും ഇതരസംസ്ഥാനത്ത് നിെത്തിയ ഒരാൾക്കും വിദേശത്ത് നിന്നെത്തിയ ഒരാൾക്കുമാണ് രോഗം സ്ഥിരീകരിച്ചത്. 143 പേർക്ക് ഇന്നലെ കൊവിഡ് നെഗറ്റീവായി.

18,841 പേർക്കാണ് ജില്ലയിൽ ഇതുവരെ കൊവിഡ് സ്ഥിരീകരിച്ചത്. 17,051 പേർ രോഗമുക്തരായി. നിലവിൽ 1597 പേരാണ് ചികിത്സയിലുള്ളത്.

വീടുകളിൽ 3915 പേരും സ്ഥാപനങ്ങളിൽ 623 പേരുമുൾപ്പെടെ ആകെ നിരീക്ഷണത്തിലുള്ളത 4538 പേരാണ്. പുതിയതായി 295 പേരെ കൂടി നിരീക്ഷണത്തിലാക്കി. സെന്റിനൽ സർവ്വേ അടക്കം പുതിയതായി 130 സാമ്പിളുകൾ കൂടി പരിശോധനയ്ക്ക് അയച്ചു. ഇതോടെ ഇതുവരെ പരിശോധിച്ച സാമ്പിളുകളുടെ എണ്ണം 1,30,766 ആയി. 68 പേരുടെ പരിശോധനാ ഫലം ലഭിക്കാനുണ്ട്.