സമ്പർക്കം 313 രോഗമുക്തി 481

കണ്ണൂർ: ജില്ലയിൽ ഇന്നലെ 335 പേർക്ക് കൊവിഡ് 19 സ്ഥിരീകരിച്ചു. 313 പേർക്ക് സമ്പർക്കം മൂലമാണ് രോഗബാധ. അഞ്ച് പേർ വിദേശത്തു നിന്നും ആറ് പേർ ഇതര സംസ്ഥാനങ്ങളിൽ നിന്ന് എത്തിയവരും 11 പേർ ആരോഗ്യ പ്രവർത്തകരുമാണ്.
ഇതോടെ ജില്ലയിലെ കൊവിഡ് പോസിറ്റീവ് കേസുകൾ 25,643 ആയി.ഇന്നലെ രോഗമുക്തി നേടിയ 481 പേരടക്കം രോഗം ഭേദമായവരുടെ എണ്ണം 20,369 ആയി. 111 പേർ മരണപ്പെട്ടു. ചികിത്സയിലുള്ള 4646 പേരിൽ 3828 പേർ വീടുകളിലും 818 പേർ വിവിധ ആശുപത്രികളിലും സി.എഫ്.എൽ.ടി.സികളിലുമാണ്.
ജില്ലയിൽ നിലവിൽ നിരീക്ഷണത്തിലുള്ളത് 20,248 പേരാണ്. ഇതിൽ 19378 പേർ വീടുകളിലും 870 പേർ ആശുപത്രികളിലുമാണ്.

ഇതുവരെ 2,18,859 സാമ്പിളുകൾ പരിശോധനയ്ക്ക് അയച്ചതിൽ 2,18,512 എണ്ണത്തിന്റെ ഫലം വന്നു. 347 എണ്ണത്തിന്റെ ഫലം ലഭിക്കാനുണ്ട്.