292 പേർക്ക് രോഗമുക്തി

കാസർകോട്: ജില്ലയിൽ ഇന്നലെ147 പേർക്ക് കൂടി കൊവിഡ് 19 സ്ഥിരീകരിച്ചു. സമ്പർക്കത്തിലൂടെ 145 പേർക്കും ഇതരസംസ്ഥാനത്ത് നിന്നെത്തിയ ഒരാൾക്കും വിദേശത്ത് നിന്നെത്തിയ ഒരാൾക്കുമാണ് രോഗം സ്ഥിരീകരിച്ചത്. 292 പേർക്ക് കൊവിഡ് നെഗറ്റീവായി.

18,988 പേർക്കാണ് ജില്ലയിൽ ഇതുവരെ കൊവിഡ് സ്ഥിരീകരിച്ചത്. 17,343 പേർ ഇതുവരെ രോഗമുക്തരായി. നിലവിൽ 1448 പേരാണ് ചികിത്സയിലുള്ളത്. 197 പേർ മരണപ്പെട്ടു.

വീടുകളിൽ 3802 പേരും സ്ഥാപനങ്ങളിൽ 666 പേരുമുൾപ്പെടെ ജില്ലയിൽ ആകെ നിരീക്ഷണത്തിലുള്ളത 4468 പേരാണ്. പുതിയതായി 369 പേരെ കൂടി നിരീക്ഷണത്തിലാക്കി. സെന്റിനൽ സർവേ അടക്കം പുതിയതായി 1121 സാമ്പിളുകൾ കൂടി പരിശോധനയ്ക്ക് അയച്ചു. 319 പേരുടെ പരിശോധനാ ഫലം ലഭിക്കാനുണ്ട്.