354 പേർക്ക് സമ്പർക്കം  454 പേർക്ക് രോഗമുക്തി

കണ്ണൂർ: ജില്ലയിൽ ബുധനാഴ്ച 370 പേർക്ക് കൊവിഡ് 19 സ്ഥിരീകരിച്ചു. 354 പേർക്ക് സമ്പർക്കം മൂലമാണ് രോഗബാധ. എട്ടു പേർ ഇതര സംസ്ഥാനങ്ങളിൽ നിന്നെത്തിയവരും എട്ടുപേർ ആരോഗ്യ പ്രവർത്തകരുമാണ്.
ഇതോടെ ജില്ലയിലെ കൊവിഡ് പോസിറ്റീവ് കേസുകൾ 26,013 ആയി. ഇവരിൽ 454 പേർ ഇന്നലെ രോഗമുക്തി നേടി. അതോടെ രോഗം ഭേദമായവരുടെ എണ്ണം 20,823 ആയി. 111 പേർ കൊവിഡ് മൂലം മരണപ്പെട്ടു. 4521 പേർ ചികിത്സയിലാണ്. ഇതിൽ 3728 പേർ വീടുകളിലും 793 പേർ വിവിധ ആശുപത്രികളിലും സി.എഫ്.എൽ.ടി.സികളിലുമാണ്.
ജില്ലയിൽ നിലവിൽ നിരീക്ഷണത്തിലുള്ളത് 20,361 പേരാണ്. ഇതിൽ 19,447 പേർ വീടുകളിലും 914 പേർ ആശുപത്രികളിലുമാണ്.

ഇതുവരെ 2,22,611 സാമ്പിളുകൾ പരിശോധനയ്ക്കയച്ചതിൽ 2,21,913 എണ്ണത്തിന്റെ ഫലം വന്നു. 698 എണ്ണത്തിന്റെ ഫലം ലഭിക്കാനുണ്ട്.