181 പേർക്ക് രോഗമുക്തി

കാസർകോട്: ജില്ലയിൽ ഇന്നലെ 182 പേർക്ക് കൂടി കൊവിഡ് 19 സ്ഥിരീകരിച്ചു. സമ്പർക്കത്തിലൂടെ 175 പേർക്കും ഇതരസംസ്ഥാനത്ത് നിന്നെത്തിയ അഞ്ചു പേർക്കും വിദേശത്ത് നിന്നെത്തിയ രണ്ടു പേർക്കുമാണ് കൊവിഡ് സ്ഥിരീകരിച്ചത്. 181 പേർക്ക് കൊവിഡ് നെഗറ്റീവായി.

19,170 പേർക്കാണ് ജില്ലയിൽ ഇതുവരെ കൊവിഡ് സ്ഥിരീകരിച്ചത്. ഇതിൽ 973 പേർ വിദേശത്ത് നിന്നെത്തിയവരും 747 പേർ ഇതരസംസ്ഥാനത്ത് നിന്നെത്തിയവരും 17,450 പേർക്ക് സമ്പർക്കത്തിലൂടെയുമാണ് രോഗം സ്ഥിരീകരിച്ചത്. 17,524 പേർക്ക് രോഗം ഭേദമായി. മരണപ്പെട്ടവരുടെ എണ്ണം 197 ആയി. നിലവിൽ 1449 പേരാണ് ചികിത്സയിലുള്ളത്.

വീടുകളിൽ 3933 പേരും സ്ഥാപനങ്ങളിൽ 579 പേരുമുൾപ്പെടെ ജില്ലയിൽ ആകെ നിരീക്ഷണത്തിലുള്ളത് 4512 പേരാണ്. പുതിയതായി 444 പേരെ കൂടി നിരീക്ഷണത്തിലാക്കി. സെന്റിനൽ സർവ്വേ അടക്കം പുതിയതായി 1117 സാമ്പിളുകൾ കൂടി പരിശോധനയ്ക്ക് അയച്ചു. 215 പേരുടെ പരിശോധനാ ഫലം ലഭിക്കാനുണ്ട്.