സമ്പർക്കം 310 രോഗമുക്തി 554

കണ്ണൂർ: ജില്ലയിൽ ഇന്നലെ 329 പേർക്ക് കൊവിഡ് 19 സ്ഥിരീകരിച്ചു. 310 പേർക്ക് സമ്പർക്കം മൂലമാണ് രോഗബാധ. 10 പേർ ഇതര സംസ്ഥാനങ്ങളിൽ നിന്നെത്തിയവരും മൂന്ന് പേർ വിദേശത്ത് നിന്നെത്തിയവരും ആറ് പേർ ആരോഗ്യ പ്രവർത്തകരുമാണ്.

ഇതോടെ ജില്ലയിലെ കൊവിഡ് പോസിറ്റീവ് കേസുകൾ 26,342 ആയി. ഇവരിൽ 554 പേർ ഇന്നലെ രോഗമുക്തി നേടിയതോടെ രോഗം ഭേദമായവരുടെ എണ്ണം 21,377 ആയി. 111 പേർ കൊവിഡ് മൂലം മരണപ്പെട്ടു. ചികിത്സയിലുള്ള 4337 പേരിൽ 3581 പേർ വീടുകളിലും 756 പേർ വിവിധ ആശുപത്രികളിലും സി.എഫ്.എൽ.ടി.സികളിലുമാണ്.

ജില്ലയിൽ നിലവിൽ നിരീക്ഷണത്തിലുള്ളത് 20,232 പേരാണ്. ഇതിൽ 19,345 പേർ വീടുകളിലും 887 പേർ ആശുപത്രികളിലുമാണ്.

ഇതുവരെ 2,26,268 സാമ്പിളുകൾ പരിശോധനയ്ക്ക് അയച്ചതിൽ 2,26,060 എണ്ണത്തിന്റെ ഫലം വന്നു. 208 എണ്ണത്തിന്റെ ഫലം ലഭിക്കാനുണ്ട്.