43 പേർക്ക് രോഗമുക്തി

കാസർകോട്: ജില്ലയിൽ 155 പേർക്ക് കൂടി കോവിഡ് 19 പോസിറ്റീവായി. സമ്പർക്കത്തിലൂടെ 149 പേർക്കും ഇതരസംസ്ഥാനത്ത് നിന്നെത്തിയ രണ്ടുപേർക്കും വിദേശത്ത് നിന്നെത്തിയ നാലുപേർക്കുമാണ് ഇന്ന് കോവിഡ് സ്ഥിരീകരിച്ചത്. 43 പേർക്ക് കൊവിഡ് നെഗറ്റീവായി.

19,325 പേർക്കാണ് ജില്ലയിൽ ഇതുവരെ കൊവിഡ് സ്ഥിരീകരിച്ചത്. 17,567 പേർക്ക് കൊവിഡ് നെഗറ്റീവായി. നിലവിൽ 1558 പേരാണ് ചികിത്സയിലുള്ളത്.

വീടുകളിൽ 3918 പേരും സ്ഥാപനങ്ങളിൽ 542 പേരുമുൾപ്പെടെ ജില്ലയിൽ ആകെ നിരീക്ഷണത്തിലുള്ളത് 4460 പേരാണ്. പുതിയതായി 391 പേരെ കൂടി നിരീക്ഷണത്തിലാക്കി. സെന്റിനൽ സർവ്വേ അടക്കം പുതിയതായി 1067 സാമ്പിളുകൾ കൂടി പരിശോധനയ്ക്ക് അയച്ചു. 227 പേരുടെ പരിശോധനാ ഫലം ലഭിക്കാനുണ്ട്.