249 പേർക്ക് സമ്പർക്കം രോഗമുക്തി 332 പേർക്ക്

കണ്ണൂർ: ജില്ലയിൽ ശനിയാഴ്ച 266 പേർക്ക് കൊവിഡ് 19 സ്ഥിരീകരിച്ചു. 249 പേർക്ക് സമ്പർക്കം മൂലമാണ് രോഗബാധ. എട്ട് പേർ ഇതര സംസ്ഥാനങ്ങളിൽ നിന്ന് എത്തിയവരും രണ്ട് പേർ വിദേശത്ത് നിന്നെത്തിയവരും ഏഴ് പേർ ആരോഗ്യ പ്രവർത്തകരുമാണ്.

ഇതോടെ ജില്ലയിൽ റിപ്പോർട്ട് ചെയ്യപ്പെട്ട കേസുകൾ 27,028 ആയി. ഇവരിൽ 332 പേർ ഇന്നലെ രോഗമുക്തി നേടി. അതോടെ രോഗം ഭേദമായവരുടെ എണ്ണം 22,099 ആയി. 115 പേർ കൊവിഡ് മൂലം മരണപ്പെട്ടു. 4282 പേർ ചികിത്സയിലാണ്. ഇതിൽ 3559 പേർ വീടുകളിലും ബാക്കി 723 പേർ വിവിധ ആശുപത്രികളിലും സി.എഫ്.എൽ.ടി.സികളിലുമാണ്.
ജില്ലയിൽ നിലവിൽ നിരീക്ഷണത്തിലുള്ളത് 19,341 പേരാണ്. ഇതിൽ 18,499 പേർ വീടുകളിലും 842 പേർ ആശുപത്രികളിലുമാണ്. ഇതുവരെ 2,33,057 സാമ്പിളുകൾ പരിശോധനയ്ക്ക് അയച്ചതിൽ 2,32,588 എണ്ണത്തിന്റെ ഫലം വന്നു. 469 എണ്ണത്തിന്റെ ഫലം ലഭിക്കാനുണ്ട്.