സമ്പർക്കം 316 രോഗമുക്തി 138

കണ്ണൂർ: ജില്ലയിൽ ഞായറാഴ്ച 344 പേർക്ക് കൊവിഡ് 19 സ്ഥിരീകരിച്ചു. 316 പേർക്ക് സമ്പർക്കം മൂലമാണ് രോഗബാധ. 17 പേർ ഇതര സംസ്ഥാനങ്ങളിൽ നിന്നെത്തിയവരും മൂന്നു പേർ വിദേശത്ത് നിന്നെത്തിയവരും എട്ടു പേർ ആരോഗ്യ പ്രവർത്തകരുമാണ്.
ഇതോടെ ജില്ലയിൽ റിപ്പോർട്ട് ചെയ്യപ്പെട്ട കൊവിഡ് പോസിറ്റീവ് കേസുകൾ 27,028 ആയി. ഇന്നലെ 138 പേർ രോഗമുക്തി നേടിയതോടെ രോഗം ഭേദമായവരുടെ എണ്ണം 22,237 ആയി. 120 പേർ കൊവിഡ് മൂലം മരണപ്പെട്ടു. 4410 പേർ ചികിത്സയിലാണ്.

ഇതിൽ 3670 പേർ വീടുകളിലും ബാക്കി 740 പേർ വിവിധ ആശുപത്രികളിലും സി.എഫ്.എൽ.ടി.സികളിലുമാണ്.
ജില്ലയിൽ നിലവിൽ നിരീക്ഷണത്തിലുള്ളത് 19,136 പേരാണ്. ഇതിൽ 18,278 പേർ വീടുകളിലും 858 പേർ ആശുപത്രികളിലുമാണ്. ഇതുവരെ 2,35,869 സാമ്പിളുകൾ പരിശോധനയ്ക്ക് അയച്ചതിൽ 2,35,352 എണ്ണത്തിന്റെ ഫലം വന്നു. 517 എണ്ണത്തിന്റെ ഫലം ലഭിക്കാനുണ്ട്.